Komandante Jerál PNTL, Komisáriu Faustinho da Costa. Imajen António Gonçalves

DILI, 06 janeiro 2020 (TATOLI)-Komisáriu Polisia Nasional Timor Leste (PNTL), Faustino da Costa, segunda ohin, relata PNTL rejista  kazu insidente no asidente hamutuk 175 ne’ebé  maka akontese ona durante periódu natal 2019 no tinan foun 2020 iha territóriu Timor-Leste.

Notísia Relevante:Ema Sona Membru F-FDTL Na’in Ida iha Tasi-tolu

Komisáriu PNTL ne’e informa hosi kazu 175 ne’e, kazu hitu maka kategoria grave hanesan kazu ema na’in tolu mate iha Munisípiu Liquiça tanba mout iha tasi ne’ebé maka akontese iha loron 01 fulan-janeiru, asidente trafegu iha Munisípiu Dili rezulta joven na’in ida mate fatin.

Kazu seluk tan maka joven feto ida mate iha Rejiuan Autónomu Espesiál Oé-Cuse Ambeno (RAEOA) tanba monu hosi karreta, Kazu Omisidu iha Lautém no kazu fahi fuik tata mate idozu iha Munisípiu Manufahi.

 “Ha’u atu informa deit katak hahú hosi loron 24 dezembro 2019 to’o loron 05 Janeiro 2020, PNTL rejista kazu kompostu hosi asidente no insidente hamutuk 175,” dehan, Komisáriu Polisia Nasionál Timor Leste (PNTL), Faustino da Costa, ba Jornalista sira iha Ministériu Financas Aitarak-Laran, ohin.

Maske polisia  rejista kazu atus ida resin maka akontese durante selebrasaun natal no tinan foun  maibé,  situasaun seguransa iha territóriu Timor-Leste lao ho hakmatek no trankuilidade tanba hetan siguransa hosi PNTL no F-FDTL.

Jornalista : Domingos Piedade Freitas

Editór :Francisco Simões

HAKEREK NO HATÁN

Please enter your comment!
Please enter your name here