Logotipu ISC

DILI, 23 dezembru 2019 (TATOLI) – Instituto Superior Cristal (ISC) dezde 2001 to’o ohin loron iha fakuldade rua hanesan Fakuldade Siénsia Edukasaun (FSE) no Fakuldade Siénsia Saúde (FSS). Ho Fakuldade rua, ensinus superiór privadu ne’e komprometidu atu hasa’e kualidade profisionál.

Reitór ISC, Sebastião Pereira. Imajen: Nelia Fernandes

“Polítika ami nian mak atu prodús profesór, parteira no enfermeira ne’ebé profesionál iha idaidak nia área,” hateten Reitór ISC, Sebastião Pereira ba jornalista sira iha CCD (Sentru Konvensaun Dili, sigla portugés), ohin.

Notísia relevante:MESSK Halo Tratamentu Hanesan Ba Ensinu Superiór Sira

Akadémiku ISC ne’e salienta, estudante sira ne’ebé ISC prodús tenke sai espesialista hanesan iha área saúde tenke fó atendementu idadiak iha kualker fatin ne’ebé estudante sira ne’e servisu ba.

Tanba ne’e estudante Finalista ISC lubuk ida mak gradua ona no barak mak hetan servisu iha Instituisaun Estadu no Privadu maibé seidauk rona iha keixa ruma kona-ba estudante sira ne’e nia servisu. “To’o agora laiha problema ida mak ita rona kona-ba estudante sira ne’ebé ita prodús. Sira servisu iha fatin barak maibé buat hotu lao di’ak,” nia rekoñese.

Graduadu ISC ba tinan ne’e hamutuk 407. Graduadu FSE hamutuk 259 no FSS hamutuk 132. Totál graduadu ISC hahú husi 2001 to’o agora hamutuk ema na’in 4.000 resin.

Ba graduadu sira hotu, Reitór ISC, Sebastião Pereira sujere: “Buka atu kontinua nafatin hodi bele kompleta liutan grau ne’ebé seidauk kompleta tanba agora daudaun tempu era teknologia no modernizasaun. Tenke akompaña nafatin dinamíku mundu nian hodi bele aproveita no akompaña nafatin lala’ok mundu ne’e nian”.

Notísia relevante:23 Dezembru, Estudante ISC 408 Simu Grau Akadémiku

Jornalista    : Tomé Amado

Editór          : Rafy Belo

HAKEREK NO HATÁN

Please enter your comment!
Please enter your name here