Lixu sira-ne'ebé namkari iha kapitál. Imajen TATOLI/Egas Cristovão.

DILI,18 dezembru 2019 (TATOLI)-Servisu Saneamentu Munisípiu Dili dadaun ne’e,  la konsege rekolla lixu hotu iha iha kapitál nasaun nian  tanba volume lixu aumenta kada loron iha tempu udan.

Xefe Departementu Saneamentu Dili, Domingos dos Santos  Soriano, rekoñese  problema ne’e akontese tanba abitante sira iha Dili maiória seidauk iha  konsénsia naton atu soe foer iha fatin lixu.

Notísia Relevante:Lixu Iha Dili Loron Ida Rekolla De’it Porsentu 45

“Ami esforsu rekolla lixu iha sidade Dili maibé ita-nia komunidade ne’ebé mak faan sasan iha merkadu nomós sira faan iha dalan ninin sira mak seidauk iha konsiénsia,”informa Nia ba TATOLI, ohin iha Mataduro Dili.

Tuir  nia saneamentu Dili iha karreta baskolante 50 hodi rekolla foer  sira ne’eb’e perkore iha Dili tomak hodi bá soe iha fatin lixu Tibar, Munisípiu Liquiça.

Notísia Relevante:Proteje Ambiente no Tasi Labele Soe Lixu Arbiru

“Ami rekolla lixu maismenus loron ida foti de’it ret tolu kada karreta maibé kuandu lahotu loron tuir mak foti tanba lixu barak demais,”tenik tan.

Domingos dos Santos  Soriano, hatutan tan katak, Komunidade sira ne’ebé  maka hela iha foho lolon iha  área Dare no fatin seluk  mós kontribui lixu iha tanba soe foer arbiru bainhira udan mota lori hotu mai sidade laran.

Tanba ne’e, nia apela ba komunidade atu iha konsénsia liután hodi soe foer iha fatin lixu.

Jornalista Osória Marques

Editór:Francisco Simões

HAKEREK NO HATÁN

Please enter your comment!
Please enter your name here