Juiz Administradór TDD, Afonso Carmona. Imajen Tatoli/Dok.

DILI,18 dezembru 2019 (TATOLI)-Juíz Administradór Tribunál Distritál Dili, Afonso Carmona, kuarta ohin, husu ba Kompañia China Internasional Economic Coorperation Group Co,Ltd atu aselera prosesu konstrusaun ba edifísiu foun Tribunál Distritál Dili nian  ne’ebé sei hahú iha tinan 2020.

Obra ho valór orsamentu estadu hamutuk millaun 10-resin, iha inisíu dezembru 2019 halo ona asina kontratu entre obra na’in maka Tribunál Rekursu no Kompañia China ne’e.

“Ha’u hanoin konstrusaun  edifísiu TDD foun iha Caicoli bele aselera serbisu diak liután iha futuru mai,”hateten, Juíz Administradór ne’e ba TATOLI, ohin iha ninia servisu fatin Mandarin Dili.

Notísia Relevante:China International Economic Coorporation Manan Konkursu ba Konstrusaun Edifísiu TDD

TDD iha sala audensia ba julgamentu hamutuk haat, sala ba juíz no ofisiál justisa sira sei sufisiente, maibé  desizaun Prezidente Tribunál Rekursu, Deolindo dos Santos,  hodi  konstrui edifísiu foun ne’e, hanesan  pasu positivu ida ba apoiu dezenvolve setór justisa iha Timor-Leste.

“Desizaun Prezidente Tribunál Rekursu (PTR), Deolindo dos Santos hodi konstrui edifísiu TDD foun konsidera planu ne’ebé maka di’ak no integradu ba servisu tribunál iha futuru,”

Juíz Administradór, Afonso Carmona, garante kompañia sei finaliza projetu ne’e tuir kontratu ne’ebé maka determina ona.

Jornalista : Domingos Piedade Freitas

Editór    :Francisco Simões

HAKEREK NO HATÁN

Please enter your comment!
Please enter your name here