Xefe Departamentu Sinál Tránzitu Diresaun Nasionál Transporte Terrestre (DNTT), João Eugênio da Silva. Imajen Tatoli/Egas Cristovão

DILI, 17 dezembru 2019 (TATOLI) – Xefe Departamentu Sinál no Tráfiku Diresaun Nasionál Transporte Terrestre (DNTT) Ministériu Transporte no Komunikasaun, João Eugénio da Silva, hateten operasaun iha loron boot, Natál no tinan foun, ne’ebé sei halo husi DNTT no Polísia Tránzitu sei akontese semana ida ne’e.

“Operasaun ne’ebé maka ami atu halo ne’e koordenada entre DNTT ho Polísia Tránzitu, tuir loloos operasaun halo ona semana kotuk, maibé komu Polísia Tránzitu balun okupadu, laiha preparasaun, maibé espera semana ida ne’e iha loron sábadu ami hahú ona”, dehan nia ba Ajénsia TATOLI iha Kaikoli, ohin.

Nia dehan operasaun ne’e halo hodi kontrola ba iha movimentu transporte públiku no privadu ne’ebé sirkula iha Dili laran liuliu iha loron boot.

Tuir João Eugénio, iha Natál no tinan foun ne’e DNTT no Tránzitu sei foka liu ba dokumentu no karreta no motór nian.

“Ami sei haree liu ba dokumentu karreta no motór kuandu dokumentu mate sira sei selu dólar 15 to’o $3”, dehan nia.

Nia salienta operasaun ne’e sei ba iha dalan públiku no terminal sira nune’e bele kontrola transporte públiku liuliu bis bá munisipiu labele tula pasajeiru liu kapasidade karreta nian. Tanba ida ne’e liga ba iha seguransa ema nian durante halo viajen.

Notísia relevante : DNTT-PNTL sei Intensifika Operasaun iha Terminál Tanba Besik Loron Boot

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here