Xefe Departamentu Sinál Tránzitu Diresaun Nasionál Transporte Terrestre (DNTT), João Eugênio da Silva. Imajen Tatoli/Egas Cristovão

DILI, 06 dezembru 2019 (TATOLI) – Diresaun Nasionál Transporte Terrestre (DNTT) ho Polísia Nasionál Timor-Leste (PNTL) sei intensifika operasaun iha terminál hotu, nune’e bele asegura motorista sira tula pasajeiru liu kapasidade karreta nian tanba loron boot besik daudaun ona.

“Hahú segunda semana oin, ami hamutuk ho PNTL sei halo operasaun iha terminál sira, ne’e ami koordena ona ho Polísia Tránzitu Dili nian, atu halo kontrolu ba transporte públiku, hanesan bus no seluk tan, atu evita motorista tula pasajeiru liu kapasidade karreta nian tanba besik tama Natál no tinan foun”, Xefe Departamentu Sinál no Tráfegu hosi DNTT, João Eugénio da Silva, ba Ajénsia TATOLI, iha Balidi, kinta ne’e.

Iha ámbitu operasaun maka deteta kondutór sira viola regra maka sei aplika multa $50 to’o $100, konforme tuir infrasaun ne’ebé estabelese ona hosi PNTL nian, nune’e maka DNTT husu ba motorista sira atu halo tuir regra ne’ebé prevee ona hosi Polísia.

Entretantu, iha operasaun ne’e mós PNTL sei halo pasa revista ba dokumentu ba karta kondusaun, se dokumentu la kompletu sei kona multa nafatin, tanba ida ne’e regra hosi PNTL.

Jornalista : Natalino Costa
Editora : Maria Auxliadora

HAKEREK NO HATÁN

Please enter your comment!
Please enter your name here