Logotipu AJAR

DILI, 17 dezembru 2019 (TATOLI) – Organizasaun naun governmental Asia Justice and Rights (AJAR) husu ba Komisaun Anti Korrupsaun (CAC-sigla portugés) atu kontinua halo operasaun konjunta ba veíkulu Estadu ne’ebé halo sirkulasaun iha loron feriadu no sábadu-domingu.

Notísia Relevante : FONGTIL Husu KAK Kontinua Investiga Kazu Ne’ebé Fó Prejuizu ba Estadu 

Operasaun konjunta ne’e kompostu husi Diresaun Nasional Transporte no Terrestre (DNTT), Inspetór Jerál  Estadu (IGE), Diresaun Nasional Patrimóniu Estadu (DNPE), Polisia Nasional Timor-Leste (PNTL) ho KAK.

Membru AJAR, Inocêncio Xavier ba Agênçia TATOLI, hafoin hamutuk ho FONGTIL (Forum Organizasaun Naun Governmental Timor-Leste) hasoru malu ho KAK, segunda (16/12/2019), iha Edifísiu KAK, hateten, operasaun ne’e importante tebes atu bele asegura gastu orsamentu Estadu.

Biban ne’e, Komisáriu KAK, Sergio Hornai, apela ba diretór jerál, xefe departamentu sira, atu kontrola veíkulu Estadu, hodi buka hatene objetivu loloos husi utilizasaun veíkulu Estadu ba interese Estadu.

“Ha’u nia observasaun husi Dili ba Munisipiu Lautem haree katak uza veíkulu Estadu menus ona, signifika iha mudansa ruma,” hateten Sergio Hornai.

Nia garante katak, operasaun konjunta sei kontinua atu kombate uza veíkulu Estadu ba benefísiu privadu.

Jornalista : Domingos Piedade Freitas

Editór       : Francisco Simões

1 KOMENTÁRIU

HAKEREK NO HATÁN

Please enter your comment!
Please enter your name here