Foto Facebok/Perreira Ernesto.

DILI, 15 dezembru 2019 (TATOLI) – Lider Nasionál Kay Rala Xanana Gusmão lori bee litru 320 bá Tutuala, Ualu-Sere hodi fó hemu ba rusa hirak ne’ebé iha Illa Jaco tanba bailoro naruk.

Nune’e mós Xanana oferese bidón tomak iha lima, bidón ne’ebé fera ba rua hodi tau bee iha 20, jerigen iha 10, profíl kinur rua, mangeira rolu tolu no balde 10.

Foto Facebook/Pereira Ernesto.

“Ita tenke hadomi ita-nia nasaun no natureza liuliu balada sira iha Jaco, ita maka tenke haree didiak”, Responsavel Parke Nasionál Nino Konis Santana nu’udar mós pesoál kontratada hosi Ministériu Agrikultura no Peska (MAP), Lino de Araújo via-telefónika ba Ajénsia TATOLI iha Tutuala, Ualu-Sere, ohin.

MAP Lautem Laiha Osan Sosa Bee Fó Rusa iha Illa Jaco

Hafoin Xanana lori bee bá Ualu-Sere, depois hakur tasi ho ró peskadór nian bá Jaco, hodi fó bee ba rusa hirak ne’ebé sei aguenta moris.

“Rusa Sira Hadau Bee Iha Illa Jaco”

“Ha’u sente triste bainhira ha’u rona rusa sira hamrook no rusa barak maka mate ona iha ne’e, ha’u sei buka duut hodi rusa han hafoin udan monu rai”, Lino haktuir tan.

Bibi Rusa hadau malu bee iha illa Jaco. Imajen/Jogerjo Guterres.

Iha ámbitu oferese bee ba rusa, Xanana aproveita observa diretamente rusa lima ne’ebé maka foin mate, ka seidauk dodok iha Parke Nasionál Nino Konis Santana.

Parke Nasionál Tau Naran Eroi Nian Maibé Governu La Kuidadu, Rusa Kontinua Mate iha Jaco

Entretantu, Xanana to’o iha Postu Admistrativu Tutuala, iha tuku 21:00 kalan no han kalan iha guest house Haburas, nune’e mós toba iha Laku-More, Ualu-Sere.

Jornalista : Zezito Silva
Editora : Maria Auxiliadora

HAKEREK NO HATÁN

Please enter your comment!
Please enter your name here