DILI, 13 dezembru 2019 (TATOLI)–Estudante Finalista Universidade de Díli (UNDIL) kompostu husi fakuldade neen hamutuk na´in 603 hahú prepara aan atu partisipa iha serimónia graduasaun ne´ebé tuir planu sei realiza iha sábadu, 14 dezembru 2019 tuku 08:30 iha CCD (Sentru Konvensaun Dili, sigla portugés).

Fakuldade sira ne´e mak hanesan Fakuldade Enjeñaria ho departemenntu Indústria no Petróleo, Fakuldade Edukasaun iha Departementu Inglés, Fakuldade Ekonomia iha departamentu Kontabilidade no Jestaun, Fakuldade siénsia Politíka ho Departementu Relasaun Internasional, Fakuldade Direitu ho Departementu Siénsia Direitu.

“Ne’eduni husi faze preparasaun ne’ebé iha buat hotu la´o di´ak partisipasaun graduante sira nian másimu tebes atu hatene oinsá sira atu koloka iha ne’ebé, idaidak hatene ona nia fatin,” relata Vise-Reitór UNDIL Asuntu Akadémiku, Francisco Martins ba Ajénsia TATOLI iha (CCD), ohin.

“Agora faze ikus. Ida ne’e atu kompleta liután asuntu balun ne’ebé relasiona ho graduasaun nian,” tenik Vise-reitór ne’e hodi konfirma katak to’o agora númeru graduadu sira nian manten laiha mudansa.

Notísia relevante:UNDIL Sei Gradua Estudante Finalista Na´in 603

Jornalista        : Tomé Amado

Editór              : Rafy Belo

HAKEREK NO HATÁN

Please enter your comment!
Please enter your name here