Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão

DILI, 21 outubru 2019 (TATOLI)-Ezekusaun Orsamentu Jerál Estadu (OJE) 2019 husi Ministeriu Ensinu Superiór Siénsia no Kultura (MESSK) nian agora dadaun atinje ona 71% maibé tama Dezembru ninia ezekusaun sei atinje 85%.

Alokasaun orsamentu adisionál ba MESSK purvolta millaun $7,724 ne’e tanba Ministériu iha programa prioridade 10 ne’ebé programa ne´e iha responsabilidade Ministériu Ensinu Superiór siénsia no haat toma konta iha área Kultura.

Ministru Ensinu Superiór Siénsia no Kultura (MESSK), Longuinhos dos Santos hateten, orsamentu adisionál millaun $ 7,724 ne’e agora daudaun konsege ezekuta ona pursentu 71. Ne’ebé kabe ba programa 10 ne’ebé trasa ona.

“Ha’u garante katak agora konsege ezekuta ona pursentu 71 ne’e to´o fulan dezembru sei bele ezekuta liu pursentu 85,”  friza Longuinhos dos Santos ba Ajénsia TATOLI iha edifísiu Fundu Dezenvolvimentu Kapitál Umanu (FDCH), ohin.

Nia esplika, atu atualiza beibeik ezekusaun orsamentu MESSK nian, ministru kada dulan sempre realiza sorumutu ho dirijente sira hodi hatene sira-nia progresu servisu ba tinan ida nian atu nune’e kuandu iha fallansu ruma bele buka hadi´a beibeik tanba tinan ida ne’e falta tan fulan rua, ne’e duni membru Oitavu Governu Konstitusionál ne’e hakarak hatene ezekusaun ne’e rasik.

Programa prioridade neen ne’ebé iha MESSK ezekuta mak Infra-estrutura, Implementasaun Polítika Nasionál Ensino Superiór, Implementasaun Kurríkulum Mínimu, Reforsa Kondisaun Funsionamentu IPB (Institutu Politékniku Betano), reforsa kondisaun funsionamentu INCT (Insitutu Nasionál Siénsia no Teknolojia-singla Portugés) no mós jestaun no monitorizasaun bolsa estudu.

Agora programa haat ne’ebé tutela ba Sekretáriu Estadu Arte no Kultura mak estabelese akadémika arte no indústria kreativu kultúral, estabelese bibliotéka no muzeum nasionál, promove atividade kulturál no promosaun, prezervasaun patrimóniu kulturál inklui promove aktividade iha área bibliotéka no múzeu.

Notísia relevante:Ezekusaun Orsamentu MESSK Atinje 56%

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here