Xefe Interinu BSN, Tomas Adelino. Imajen: Felicidade Ximenes

DILI, 11 dezembru 2019 (TATOLI)-Departamentu Laboratóriu BSN (Banco de Sangue Nacional) iha HNGV (Ospitál Nasionál Guido Valadares) menus funsionáriu tanba ne´e husu ba Ministériu Saúde (MS) atu aumenta.

“Ministériu Saúde ba futuru tenke aumenta funsionáriu tanba ami iha ne’e grupu ida de’it loloos ne’e grupu rua lae grupu tolu para hala´o servisu ida ne’e,” hateten Koordenadór transmisaun raan, Xefe Interinu BSN, Tomas Adelino ba media sira, ohin.

Tanba, tuir nia katak BSN ne´e atende ema Timór laran tomak. BSN hanesan instituisaun estadu nian tanba ne´e ba atu atende sira-nia preokupasaun tanba agora daudaun ne’e ema hotu presiza raan urjentemente no instituisaun barak mak atu fó raan maibé grupu ne’e ema la iha para hale´u ba fatin hothotu.

“Ami-nia fasilidade la sufisiente liu hanesan trasporte mós la iha, ekipamentu mós mínimu tanba ne’e mak ami susar los ba situasaun sira ne’e tanba ekipamentu ne’ebé mak agora daudaun iha ne’e dezde iha tinan-1999 mak ami hetan to´o agora”.

Xefe Interinu BSN, Tomas Adelino relata katak funsionáriu sira ne´ebé mak hala´o kna´ar iha BSN ne´e maioria permanente no na´in ida mak kontratadu. Funsionáriu sira ne´e menus ema na´in 20.

“Funsionáriu sira halo rotasaun ne’e mós na’in ida, lae na’in rua tanba ne’e mak ami seidauk sufiente. Ami-nia ema administrasaun mós la iha ami tékniku mak toma konta hotu de’it ba administrasaun tanba ne’e mak susar los mai ami atu atende ema hotu,” nia haktuir.

Notísia relevante:Raan Iha BSN Hahú Menus

Jornalista        : Felicidade Ximenes

Editór              : Rafy Belo

HAKEREK NO HATÁN

Please enter your comment!
Please enter your name here