Prosesu aprendizajen iha Eskola 04 setembru UNAMET, Balide, Dili. Imajen/Dok. Espesiál

DILI, 09 dezembru 2019 (TATOLI) –Tuir dadus Ministériu Edukasaun, Juventude no Desportu (MEJD), iha tinan letivu 2019, totál estudante sekundáriu sira husi estabelesimentu Ensinu Sekundária Jerál (ESG) na´in 17.53 (97%). Husi totál estudante sira ne´e sira ne´ebé mak partisipa ezame nasionál ne´e hamutuk na´in 17.001 (98,54%) no 500 (2,8%) mak la partisipa ezame nasionál.

Hafoin ezame, estudante sira ne´ebé mak reprovadu ka la pasa hamutuk 252 (1,4%) husi totál númeru estudante sira ne´ebé mak partisipa iha ezame nasionál.

Tuir mai, iha Ensinu Tékniku Vokasionál (ETV) totál estudante sira ne´ebé mak rejistadu atu tuir ezame nasionál hamutuk 5.227. Husi númeru ne´e, estudante sira ne´ebé mak partisipa iha ezame nasionál hamutuk 4.906 (97,86%) no la partisipa na´in 321 (6,14%).

Husi totál estudante ETV sira ne´e, na´in 4.804 (97,7%) aprovadu no na´in 102 (2,1%) mak reprovadu.

Entre númeru sira ne´e, ESG 4 setembru UNAMET na´in 16 mak klasifikadu nu´udar reprovadu ka la pasa.

“Totál estudante na’in 11 reprovadu ne’e na’in lima husi Siénsia Teknolojia no na’in 11 husi Siénsia Sosiál Umanitária,” relata Diretór eskola 4 setembru UNAMET, Sergio A. dos. Santos dos Cruz, iha nia kna´ar fatin eskola 4 setembru UNAMET, Balide, ohin.

Ezekutivu ne´e relata tan katak totál alunu eskola 4 setembru UNAMET ne´ebé tuir ezame nasionál hamutuk 799 (346 husi Siénsia Teknolojia kompostu husi turma 1 to´o 6 no 448 husi Siénsia Sosiál Umanitária kompostu husi turma 1-8).

“Ida ne’e la´ós desizaun eskola nian maibé Ministériu Edukasaun ninia desizaun. Parte eskola apoiu de’it rezultadu ezame estudante sira nian husi semestre sira liubá atu fasilita Ministériu Edukasaun bele halo korresaun ho di´ak liután,” dehan manorin na´in ne´e.

Notísia relevante:MEJD Halo Abertura Ezame Nasionál Iha ESTV-GTI Becora

Jornalista :Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here