Ministra Edukasaun, Juventude no Desportu, Dulce de Jesus Soares Fahe Material ba Estudante Ijame Nasionál Ano Leitivu 2019, Escola Secundária Teknico Vocasional Tecnolojia Industrial Becora. Imajen/TATOLI

DILI, 14 outubru 2019 (TATOLI)-Ministra Edukasaun, Juventude no Desportu (MEJD) Dulce de Jesus Soares observa direita ezame nasionál iha Eskola Sekundáriu Tékniku Vokasionál-Grupu Teknolojia Indústria (ESTV-GTI), Becora no simbolikamente abertura ezame nasionál ba eskola hotu iha territóriu Timór laran tomak.

“Ha’u mai observa direita ezame nasionál iha eskola ne’e la´ós tanba eskola ne’e mak di´ak liu maibé  simbolikamente de’it ha’u atu loke ezame nasionl ne’e ba eskola hotu iha territoriu Timor laran tomak,” tenik Ministra Edukasaun Dulce de Jesus Soares ba jornalista sira hafoin entrega materiál pontu ezame nasionál ba profesór sira iha sala aulas númeru 1, ESTV-GTI,  ohin.

Ministra Dulce mós konfirma katak sei vizita mós eskola Ensinu Sekundáriu Jerál 30 Agosto, Comoro, atu observa mós prosesu ezame nasionál iha eskola ne´e.

Tanba husi prosesu preparasaun ba pontu ezame nasional nian la´o diak tebes. Tan ne’e mak direitamente MEJD hakarak haree mós preparasaun profesór sira nian. Maibé husi observasaun ne’ebé halo, Ministra dehan buat hotu la´o kapás laiha fallansu. Buat hotu hein ninia rezultadu finál mak foin bele avalia.

“Ha’u louva tebes kapasidade profesór sira nian oinsá bele jere ho didi´ak preparasaun sira ne’e no ohin ita-nia oan sira iha territóriu tomak bele partisipa iha ezame nasionál ida ne’e. Ida ne’e presiza koñesementu no abilidade profesór sira nian,” apresia governante ne´e.

“Ezame nasionál realiza hahú ohin 14  to´o 16 outubru 2019 ne’e  espera bele la´o di´ak iha territóriu hotu atu nune’e bele bele tulun estudante hodi deside sira-nia futuru tuir nivel edukasaun ne’ebé sira atinje,” nia espera.

Notísia relevante:Estudante 53,101 Sei Partisipa Ezame Nasionál  

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here