Graduadu DIT 2019. Imajen: Tomé Amado

DILI, 29 novembru 2019 (TATOLI) – Oradór Sientífíku Dili Institute Of Thecknology (DIT), Teresa Freitas Belo husu ba graduante 507 ne’ebé simu ona graduasaun haka´as aan ba atu sai lider transformadór ida diak iha sosiedade bazeia ba kultura akadémika, sosiál no esprituál timorense ba Timor-Leste 2030.

Atu sai lider tranformadór ida di´ak tenke brani moris hamutuk ho sosiedade hodi nune’e bele dezenvolve di´ak futuru ida di´ak iha sosiadade.

“Tanba ita-nia sosiadade sira barak mak moris hela iha liña pobreza nia okos. Ne’eduni koñesimentu ne’ebé imi hetan iha DIT sai nu´udar kapitál ida. Tan ne’e imi tenke hatudu rezultadu servisu iha sosiadade nia le’et,” dehan Teresa iha. diskursu sientífiku ba graduadu sira iha salaun DIT, sesta (29/11/3019).

Nia dehan ba graduadu sira katak indikadór ne’ebé sai sasukat katak TL sei iha problema sosiál mak ki´ak, analfabetu, má nutrisaun, problema ekonomia. Tanba ne’e mak DIT iha papel importante liuhusi ninia ema sira ne’ebé mak finaliza ninia estudu fila fali ba sosiadade hodi transforma moris sosiadade nian.

Misaun DIT nian forma ema la´ós atu hetan serbisu maibé forma ema atu kria serbisu ba ema seluk. Tanba ne’e mak graduante sira tenke prepara aan didi´ak hodi transforma vida ema seluk nian liuhusi problema sosiál ne’ebé iha.

Rezultadu lisensiatura ne’ebé mak graduadu sira simu ona nu´udar dalan ida atu hahú lori moris foun ba povu, koñesimentu no matenek ne’ebé DIT fo ona, nu’udar bukae ida atu motiva ninia luta ba futuru ida di´ak hamutuk ho sosiadade.

Notísia relevante:DIT Sei Gradua Estudante 307

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here