Logotipu DIT

DILI, 27 novembru 2019 (TATOLI) –Ensinu Superiór DIT (Dili Institute of Tecnology) sei realiza graduasaun ba estudante finalista na´in 307 tanba ne´e agora DIT hahú halo preparasaun ona. Gradusaun ne´e sei realiza iha sesta (29/11/2019).

Notísia relevante:DIT Marka Deferénsia Iha Indústria Edukasaun TL

Estudante finalista sira ne´e husi fakuldade sira hanesan Estudu Petróleo (Petroleom Studies) no Enjeñaria no Jestaun Pétroleo (Engineering & Petroleom Management) no mós Fakuldade Siénsia Enjeñaria ho kursu tolu hanesan tékniku sívil (Civil Engineering), siénsia komputadór (Computer Sciences) no enjeñaria mekánika (Mechanical Engineering).

Nune’e mós Fakuldade Jestaun Negósiu (Bussiness Management) iha kursu lima hanesan Jestaun Finansa (Finance Management), Jestaun Merkadoria (Marketing Management), Jestaun Rekursu Umanu (Human Resource Management), Jestaun Polítika Públika (Public Police Management) no agronegósiu (Agrobussiness), inklui Fakuldade Turismu no Ospitalidade iha kursu rua hanesan jestaun viajen (Tour and Travel Management) no Jestaun Ospitalidade (Hospitality Management).

“Preparasaun la´o diak tebes. Sira hotu (graduadu) konklui ona estudu di´ak tebes no sira merese ona simu sira-nia diploma atu fila fali ba komunidade nia le’et hodi ajuda halo transformasaun,” informa Reitór DIT Álvaro Menezes Amaral ba Ajénsia TATOLI, iha Kampus DIT, ohin.

Reitór ensinu superiór privadu ne´e konfirma katak estudante finalista sira ne´ebé sei tuir graduasaun, agora tama ona iha prosesu ensaiu atu nune´e sira bele hatene ona fatin. Graduasaun sei hahú tuku 8:00. Tan ne’e konvite, parte universidade fó sai hotu ona.

Tuir nia DIT sempre kumpre oras ne’ebé markadu ona. Sira sei la tau espesiál ba konvidadu ne’ebé sira konvida. Se mak mai tarde serimónia lao nafatin tanba ne’e husu ba konvidadu hotu atu kompre oras ne’ebé deside ona.

Notísia relevante:MESSK Sei Kria Sistema Foun Ba Estudante Graduadu Sira

Jornalista :Tomé Amado

Editór      : Rafy Belo

1 KOMENTÁRIU

  1. DIT kada tinan graduasaun barak tebes ita kompara ho Instituisaun Privadu sira seluk tamba nee hau hansn alumni husi DIT nee rasik hakarak hatoo hau votus parabéns ba graduadu sira no inan aman husi Graduadu sira hotu. E mos hau hakarak husu ba graduadu sira atu tanee aas nafatin Lema DIT nia katak MATENEK NODI SERBII ba Comunidade Sociedade no ba Nasaun doben ida nee, dala ita tan Congratula tebes ba imi hotu nia Esporsu durante tempo barak nia laran.🎓💪💪

HAKEREK NO HATÁN

Please enter your comment!
Please enter your name here