Diretór Jerál Prestasaun Saúde Interino, Horacio Sarmento. Imajen: Felicidade Ximenes

DILI, 29 novembru 2019 (TATOLI)-Diretór Jerál Prestasaun Saúde Interino, Horacio Sarmento hateten, ambulánsia 16 ne’ebé to´o ona Dili iha loron 25 novembru tinan ne’e maibé seidauk entrega ba Ministériu Saúde (MS) tanba prosesu administrativu tenke trata dokumentu bainhira sai husi portu Dili depois selu taxa hotu ne’e mak foin entrega ba MS.

“Depois entrega ba Ministériu Saúde haree hotu dokumentu sira ne’e kompletu ona entaun bele distribui ba Munisípiu sira,” dehan Diretór Jerál Prestasaun Saúde Interino Horacio Sarmento ba media, sira ohin.

Agora daudaun, tuir nia, ambulánsia iha ona Portu Dili, sei trata hela dokumentu hotu. Prosesu hirak ne’e aprovisionamentu mak toma konta.

Ambulánsia foun ne’ebé too ona ne’e iha multifunsaun 14 no ambulánsia bainbain rua hamutuk 16 mak iha ona portu sei trata dokumentus depois entrega ba MS.

“Atu distribui ba Munisípiu sira naran iha hotu ona lista tanba ita haree problema ba karreta multifunsaun barak mak labele hadi´a no barak mak aat iha Institutu Nasionál Saúde (INS) no barak mak aat nunka klasifikasaun, balun hadi´a ho kondisaun ne’ebé mak todan, gastus ne’ebé mak boot entaun ita prevene para ita hola foun,” nia dehan..

Diretór Jerál Prestasaun Saúde Interino, Horacio Sarmento fó razaun, tanba tinan ida ne’e ita hola ona tinan oin tau orsamentu para hola tan 20 multifunsaun, 10 ambulánsia  depois ita bele kompleta malu.

Entretantu karreta ambulánsia ne’ebé mak agora daudaun iha hamutuk 43 no 33 mak agora daudaun sei halo hela operasaun iha ospitál sira inklui mós karreta ambulánsia iha nasionál maibé karreta 10 mak kondisaun funsiona no balun hadi´a hela maibé balun labele hadi´a ona.

Notísia relevante:25 Novembru, Ambulánsia 16 To´o Timor-Leste

Jornalista :Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here