Ambulánsia. Imajen: Google

DILI, 20 novembru 2019 (TATOLI)-Vise-Ministru Dezenvolvimentu Estratéjiku Saúde, Bonifácio Maucoli dos Reis hateten katak ambulánsia ne’ebé ita iha territóriu Timor Laran tomak ne’e kuaze tinan sanulu, grave ona, tanba ne’e mak tinan ida ne’e hola ambulánsia hamutuk 16 no iha loron 25 novembru ne’e ambulansia to´o ona para halo distribuisaun ba munisípiu sira.

Vise-Ministru ba Dezenvolvimentu Estratéjiku Saúde, Bonifácio Maukoli dos Reis.Imajen/Antonio Goncalves

“Ambulánsia ne’e ba munisípiu 12 inklui RAEOA,” Vise-Ministru, Bonifácio Maucoli dos Reis ba jornalista sira bainhira ramata reuniaun Konsellu Ministru iha Palásiu Governu, ohin

Iha biban hanesan, Vise-Ministru Bonifacio Maucoli dos Reis hateten, ekipamentu iha Ospitál Nasionál Guido Valadares (HNGV) hanesan makina laboratóriu la funsiona maibé tempu badak sei ba haree direitamente hodi rezolve problema ida ne’e.

“Ekipamentu hirak ne’e ha’u seidauk ba haree direita maibé ha’u akonpaña husi media sosiál. Maibé iha tempu badak ha’u sei too iha hngv hodi haree direita ba ekipamnetus sira ne’ebé mak la funsiona,” hateten Vise-Ministru, Bonifácio Maucoli dos Reis ba jornalista sira bainhira ramata reuniaun Konsellu-Ministru iha Palásiu Governu, ohin

Governante ne´e hateten, ita hatene orsamentu tinan-2020 nian prevé ona para hodi haree ekipamentu sira ne’ebé mak falta no kondisaun hanesan ne’e para hodi halo manutensaun.

Ita hatene Ospitál Nasionál Guido Valadares nu’udar instituisaun ida ne’ebé iha hotu ona nia finanseiru rasik atu haree ba ida ne’e maibé kona-ba seringa, soru, ai-moruk no ekipamentu seluk ne’e sasan aprovizionamentu tenke li uhusi Servisu Autonomu Medikamemtu no Ekipamentu Saúde (SAMES).

“SAMES mak haree liu kona-ba aprovizionamentu ekipamentu hanesan ai-moruk, soru seringa mas ha’u hatene katak problema ne’e rezolve ona tanba foin daudauk ita hetan tan adisionál 2 milhões kona-ba kompras ai-moruk, ekipamemtus ne’ebé daudauk ne’e menus iha HNGV”.

Notísia relevante:Ministériu Saúde Sei Hola Ambulánsia Multi-funsaun

Jornalista :Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here