Diretór Jerál SEPS Superintendente Asistente Polísia Ismael da Costa Babo.imajen/Nelson de Sousa

DILI, 27 novembru 2019 (TATOLI)-Governu Timor-Leste lihosi Sekretáriu Estadu Protesaun Sivíl  (SEPS) sei estabelese akordu kooperasaun (MoU-sigla inglés) ho Governu Repúblika Indonézia (RI) liuhosi BNPB (Padan Nasional Penanggulangan Bencana) iha area protesaun sivíl nian.

Tuir oráriu, akordu kooperasaun servisu entre parte rua ne’e sei ofisializa iha fulan Dezembru, tinan ne’e.

Notísia Relevante: TL-RI Sei Asina MoU Hodi Atende Dezastre iha Liña Fronteira

Diretór Jerál SEPS Superindente Asistente Polisia, Ismael da Costa Babo, hateten, antes realiza akordu ne’e parte rua sei halo enkontru  elaborasaun tékniku iha  Jakarta, tersa (26/11/2019).

“SEPS nia ekipa hala’o enkontru tékniku ona ho BNPB no hein katak iha dezembru ne’e nia laran bele asina ona akordu ne’e, ” informa Ismael da Costa Babo, ohin, ba TATOLI iha ninia servisu fatin, Dili.

Iha pontu importante tolu maka parte rua sei implementa iha MoU ne’e; da-uluk, estabelese servisu konjunta ba atuasaun inséndiu no dezastre naturaís iha liña fronteira Timor-Leste no Indonézia.

Da-ruak, utiliza informasaun no teknolojia hodi deteta dezastre naturaís no pontu da-toluk maka BNPB sei fó formasaun no kapasitasaun ba membru servisu Bombeiru ba atendimentu dezastre.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here