Reitor UNITÁL, Florindo Pereira. Imajen/Egas Cristovão

DILI, 25 novembru 2019 (TATOLI) – Ensinu superiór privadu, Universidade Oriental Timor Lorosa´e (UNITAL) oferese oportunidade ba estudante timoroan sira ne´ebé la konsege kontinua sira-nia estudu iha tinan létivu kotuk iha instituisaun akadémika sira iha Timor-Leste (TL) atu bele estudu iha universidade ne´e.

Inskrisaun foun ba tinan akadémiku 2019-2020 hahú tiha ona iha setembru 2019 no sei ramata iha marsu 2020. UNITAL fó nafatin oportunidade ba prosesu ida ne’e.

“Ita iha étapa tolu ba prosesu inkrisaun ho razaun atu estudante ne’ebé mak lahetan oportunidade eskola iha UNTL, instituisaun UNITAL prontu simu nafatin sira,” hateten Reitór UNITAL,Florindo Pereira ba Ajénsia TATOLI iha nia kna´ar fatin, Kampus UNITAL, Becora, Dili, ohin.

Autoridade másima UNITAL ne´e akresenta, UNITAL prontu simu estudante rihun 3 tanba ne’e mak inskrisaun ne’e loke ba étapa tolu no ninia durasaun tempu to’o fulan lima ne’e ho razaun atu fo mós oportunidade ba estudante sira ne’ebé tinan kotuk la kontinua sira nia estudu iha universidade.

Tanba ne’e instituisaun iha ona ninia preprasaun ida másimu oinsá atu bele intende didi´ak prosesu sira ne’e atu labele mosu fali problema seluk iha faze inskrisaun nia laran.

Notísia relevante:UNITAL Eleva Kualidade, Reforsa Jestaun Instituisaun

Jornalista : Tomé Amado

Editór       : Rafy Belo 

HAKEREK NO HATÁN

Please enter your comment!
Please enter your name here