Ministra Edukasaun, Juventude no Desportu Dulce de Jesus Soares .Imajen/TATOLI

DILI, 22 novembru 2019 (TATOLI)- Ministra Edukasaun, Juventude no Desportu (MEJD), Dulce de Jesus Soares no Prezidente Autoridade RAEOA (Rejiaun Autonoma Espesiál Administrativa Oe-cusse-Ambeno), José Luís Guterres “Lugu”, hahú diskute ona oinsá atu hadi´a no hasa’e kualidade edukasaun iha Oecuse. Parte rua konsidera iha kestaun tolu mak presiza hetan atensaun hanesan implementasaun kurríkulu, inspesaun ekolár no konsensaun eskolár.

“Ami ko´alia kestaun sira ne’e tanba ami haree iha buat lubuk ida mak presiza hadi´a liután atu nune’e ba futuru ita-nia oan sira bele hetan edukasaun ida di´ak liután,” hateten Ministra Dulce de Jesus ba jornalista sira iha MEJD, Vila Verde, ohin.

Tuir lei estatutu RAEOA nian, ministra esplika katak MEJD nu´udar reguladór no RAEOA mak ezekutór. Tanba ne’e parte rua hanoin hamutuk atu halo buat barak liután kona-ba edukasaun iha Oecuse. Nia konsidera katak buat barak mak la´o ona iha RAEOA maibé presiza hadi´a liután atu nune’e bele eleva liután kualidade Oecuse oan sira nian ba iha futuru.

Governante ne´e salienta katak atu hasa’e kualidade edukasaun iha Oecuse, eskola hotu iha RAEOA hahú husi nível pre-eskolár to’o ensinu sekundáriu, téknįku vokasionál. Ne’eduni presiza hare’e mós formasaun ba profesór sira ho ida ne’e de’it mak Oecuse sei hetan edukasaun ida diak liután.

Notísia relevante:Rekrutamentu Profesór, MEJD Sei Haruka Ekipa Verifikasaun Ba RAEOA

Jornalista :Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here