Logotipu MEJD

DILI, 19 novembru 2019 (TATOLI) – Ministra Edukasaun, Juventude no Desportu (MEJD), Dulce de Jesus Soares  hateten, nia parte seidauk iha infrormasaun kona-ba prosesu rekrutamentu ba profesór na´in 125 iha RAEOA (Rejiaun Autonoma Espesiál Administrativa Oe-Cusse, Ambeno) tanba ne´e tempu badak sei haruka ekipa verifikasaun ba RAEOA hodi buka tuir informasaun.

“Ha’u sei haruka ami-nia rekursu umanu no inspesaun jerál atu haree to’ok saida mak akontese iha ne’ebá tanba tuir lei, RAEOA tenke estabelese sistema tuir saida mak akontese iha nasionál,” dehan Ministra Dulce de Jesus Soares iha Timor Plaza, tersa (19/11/2019).

Nia esplika katak atu halo rekrutamentu ba profesór sira tenke bazea ba nesesidade eskola nian kuandu menus iha profesór matemátika ida ne’e mak foin bele halo rekrutamentu la´ós prosesu ne’e jerál de’it.

Nune´e mós prosesu ne’e atu la´o, tuir ministra, presiza rona mós kuadru pesoál sira-nia lian atu nune’e prosesu hotu kuandu implementa karik tuir koridór ne’ebė iha. “Signifika rekrutmentu ne’e tuir área espesífika”.

Notísia relevante:RAEOA Ezekuta OJE 2019 Rekruta Profesór Na’in 125

Jornalista : Tomė Amado

Editór      : Rafy Belo

HAKEREK NO HATÁN

Please enter your comment!
Please enter your name here