Lampu azul iha Cristo Rei. Imajen: Felicidade Ximenes

DILI, 21 novembru 2019 (TATOLI)-Fundu Organizasaun Nasaun Unida ba Labarik (UNICEF, sigla inglés) hamutuk ho Komisaun Nasionál ba Direitu Labarik (KNDL) inaugura iluminasaun lampu azul iha Cristo Rei hodi marka trizésimu aniversáriu Konvensaun Direitu Labarik.

Reprezentante UNICEF iha TL, Valerie Taton. Imajen: Felicidade Ximenes

“Timor-Leste nia ikóniku monumentu Cristo Rei iluminadu ona ho kór azul hodi selebra trizésimu aniversariu konvensaun direitu labarik. Monumentu Cristo Rei sei iluminadu ho kór azul hahú husi loron 20 too 26 novembru tinan ne’e,” dehan representante UNICEF iha Timor Leste, Valerie Taton, banhira hala’o diskursu iha Cristo Rei, kuarta kalan (20/11/2019).

Valerie Taton hateten, iluminasaun Cristo Rei hatudu eventu sira durante semana ida hodi hatudu importánsia husi labarik sira-nia direitu, konvensaun direitu labarik adota iha tinan 30 liubá atu reafirma fali katak labarik hanesan umanu ida iha direitu mak tenke prienxe no protejidu.

Timor-Leste komprometidu bainhira ratifika ona konvensaun direitu labarik iha tinan-2003 hahú ne’ebá kedas progresu barak mak halo ona ba labarik sira iha Timor-Leste maibé sei tenke buat barak tan atu garante labarik iha nasaun ida ne’e bele goza direitu hotu mak konsagra ona iha konvensaun direitu labarik nian.

Labarik sira ohin loron, tuir Valerie, enfrenta dezafiu barak mak ho introdusaun rede mundiál ba komputadór no ameasa mudansa klimátika, labarik sira ohin loron mós haree sira-nia aan rasik hanesan kontribui ba sira-nia sosiedade no ko’alia sira-nia preokupasaun sira maibé mós sira-nia envolvimentu ba mudansa no hanesan ita komemora asinatura konvensaun direitu labarik ita tenki labele hamenus ita-nia esforsu atu aselera progresu sira hodi prienxe sira-nia direitu ba labarik hotu ho labarik hotu.

Atividade sira ne’e marka loron mundiál labarik ba trijésimu aniversáriu direitu labarik inklui torneiu futebol hahú iha tinan-2019 envolvimentu foinsa’e no adolosente sira katak “Ha’u-nia lian, Ha’u-nia Direitu” sai foinsa’e iha Timor-Leste no mós diskusaun kona-ba direitu labarik nian iha Universidade Nasionál Timor –Lorosa´e no semináriu loron konvensaun direitu labarik, estadu no parte hotu investe labarik sira goza sira-nia direitu no marsa planeadu ba 25 novembru ho partisipasaun másimu husi labarik 1.500 husi nasaun ida ne’e.

“Eventu sira ne’e hotu sei foka liubá labarik sira-nia progesu durante ne’e no problema ne’ebé sira hasoru durante no mós diskusaun kona-ba asaun sira no rezolve dezafiu sira ne’ebé sira iha,” informa Valerie Taton.

Timor-leste, tuir reprezentante UNICEF iha Timor-Leste katak hetan ona progresu boot ba labarik sira. Ita ratifika ona iha konvensaun direitu labarik no dezenvolve ona planu asaun ba labarik sira no avansu mak halo nasaun ne’e fatin ida di’ak liubá labarik sira atu moris no goza sira-nia direitu.

No, nesesáriu liu fo énfaze ba realizasaun labarik nia direitu, presiza tau iha nível polítika, iha nível nasionál no munisipál husi governu parseiru sira, komunidade, familia no ita halo ona inpaktu singnifika kona-ba persentazen no futuru jerasaun nian.

Nia haktuir, UNICEF mós lansa ona relatóriu globál atu selebra aniversáriu ne’e hatudu vitória istóriku jerál ba labarik sira-nia iha mundu hahú adosaun konvensaun diretu labarik tinan-30 liubá maske nune’e labarik ki´ak barak mak seidauk hetan nian inpaktu tuir konvensaun direitu labarik nian.

“Relatóriu ne’e haree ba realizasaun inegavel husi dékade tolu liubá prova katak iha polítika determinasaun melloramentu labarik sira-nia moris”.

Partisipa iha inagurasaun iluminasaun lampu kór azul iha Cristo Rei mak Membru Parlamentu Nasionál Komisaun F trata asuntu saúde, Komisaria KNDL, Diretór jerál Ministériu Negosiu Estranjeiru no Koperasaun, Embaixadór Uniaun Europeia iha Timor-Leste inklui labarik sira.

Notísia relevante:Timor-Leste Garante Direitu Labarik

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here