Diretór Jerál Floresta, Ministériu Agrikultura no Peska (MAP), Raimundo Mau. Imajen/Mídia MAP.

DILI, 21 novembru 2019 (TATOLI) – Diretór Jerál Floresta Ministériu Agrikultura no Peska (MAP), Raimundo Mau, hateten katak sidadaun hotu tenke sai protetór ba floresta.

“Husu partisipasaun sidadaun hothotu para sai protetór ba floresta nian”, Raimundo Mau afirma ba TATOLI iha edifísiu MAP-Komoro, ohin.

Nune’e, nia husu ba sidadaun hotu iha responsabilidade iha bailoron atu kuidadu ho ahi, liuliu ba to’os-na’in sira.

“Inan-aman to’os-na’in sira-nia partisipasaun iha floresta importante tebes, no obrigatóriu atu kuidadu ahi para labele estraga rekursu ai-laran tanba ita iha limitasaun númeru guarda florestál nune’e labele kobre área hothotu”, dehan Raimundo.

Diretór Jerál ne’e afirma katak, hakarak ka lakohi sidadaun hotu tenke sai hanesan guarda ba ai-laran. Tanba pesoál guarda floresta hamutuk 86 maka koloka iha territóriu Timor-Leste no númeru ne’e seidauk sufisiente atu kontrola di’ak liután inséndiu ne’ebé sei akontese tempu bailoron.

Notísia relevante : Laiha Ekipamentu Difikulta Servisu Guarda Florestál

Nia salienta atu halo prevensaun ba sunu rai arbiru maka Ministériu Agrikultura no Peska liuhusi Diresaun Jerál Floresta nafatin hala’o estensaun florestál.

“Ami halo para fanun konxiénsia liuhosi autoridade lokál sira”, hateten Raimundo Mau.

Jornalista : Antónia Gusmão

Editora : Maria Auxiliadora

2 KOMENTÁRIU

  1. Abraço Professor

    Klaru katak sidadaun hotu tenki sai protetor ba Floresta,

    Hanesan Joven Orgulho tebes maibe presija reforca servico atu nune bele salva ita nia Ai-laran hirak nebe komesa iha stragus atu bele garante ba tempo naruk

HAKEREK NO HATÁN

Please enter your comment!
Please enter your name here