Eskola Paulo VI. Imajen: Nelia Fernandes

DILI, 21 novembru 2019 (TATOLI)—Adjuntu Diretór ESG Paulo VI, Atanásio António da Silva, informa Eskola Sekundária Jerál (ESG) Katólika Paulo VI hanesan eskola ne’ebé Dioseze Dili harii iha tempu Indonézia nian hahú iha 1979 no to’o 2019 ninia ezisténsia halo ona tinan 40.

Iha 2000, nia informa, eskola ne’e Dioseze harii iha Fundasaun São Paulo nia mahon hodi Eskola Ensinu Pre-Sekundária (SMP) no Eskola Ensinu Sekundária (SMA) ne’ebé kaer husi Diretora Rozália Corte-Real no Prezidente Fundasaun São Paulo mak Pe. Leão (matebian).

Hafoin, iha 2003 no 2004, Pe. Rafael dos Santos mak substitui sai hanesan diretór eskola no mós sai Prezidente Fundasaun alende kaer kargu nu’udar pároku Dare to’o 2013. Hafoin, iha 2014, Pe. Rafael dos Santos hakotu iis (mate) entaun iha momentu ne’ebá Pe. Luis Bonaparte mak sai fali diretór ba iha eskola Paulo VI to’o agora.

Naran Eskola: Eskola Sekundária Jerál (ESG) Katólika São Paulo VI (Okupasaun Indonézia bolu Sekolah Katolik Santu Paulus VI).

Harii: Iha tinan 1979

Funda: Husi Dioseze Dili

Moto/Lema: Initium Sapientiae Timor Domini (O temor de deus é o Princípio da sabedoria)

Vizaun: Sai eskola ida ne’ebé forma joven sira atu hatene no hadomi Maromak hodi serbi maluk sira liuhusi edukasaun kualifikada iha área siénsia ne’ebé nakonu ho valór cristão (kristaun)

Misaun: 1.) Prepara no halo kompletu fasilidade no materia sira eskolár atu garante estudu ne’ebé konfortavel no suporta prosesu aprendijazen ne’ebé ho kualidade di’ak.

2.) Kria ambiente eskolár ne’ebé saudável fizikamente no espiritualmente.

3.) Prepara edukadór sira ne’ebé kualifikadu no integradu, intelektualmente, emosionalmente no espiritualmente.

4.) Garante prosesu edukativu ne’ebé iha “standard” globál tuir grau estudu labarik ida-idak ni’an. 5.) Tau atensaun maka’as ba edukasaun ne’ebé orientada ba formasaun karakter konforme valór cristão

Objetivu: Atu eduka alunu sira sai ema ne’ebé matenek ho valór kristaun nian.

Total profesór/a: Hamutuk na’in 62 (Profesór kontratadu Governu 5, Permanente 10, kontratadu husi eskola 6, servente 5, part time 36).

Totál Estudante: Agora dadauk iha finalista hamutuk 423, segundu ano 322, primeiru ano 264

Sala de aula: Hamutuk 17 (sala 9) no sala foun ne’ebé halo daudaun hamutuk 12.

Biblioteka: Agora dada’uk halo ona planu hodi prepara hela fatin ba biblioteka.

Laboratóriu: Dadaun ne’e iha no sei utiliza fali fatin foun bainhira konstrusaun foun ne’e ramata.

Funsionáriu ba halo limpeza (cleaner): Iha feto ida (1) no mané na’in lima (5), cleaner eskola mak selu).

Seguransa: Foti fali sira iha cleaner ne’e, tau fali ba iha seguransa.

Rekursu umanu: Profesór/a mesak S1, S2 no Maestradu.

Regulamentu ba Prefesór no Estudante sira: Iha regulamentu interna no matadalan ba professor/a no estudante sira. Estudantes ida mak kuandu halo problema tenke hetan sansaun. Prifesór/a sira mak aula, sira-nia sansaun sira-nia osan la konta (tuir oras ne’eb’e sira la tama).

Estabelese Konsellu Profesór/a: Konsellu profesór/a sira hanesan husi 2000 mai agora no sira ne’ebé foin tama iha tinan hirak liu ba sira halo adaptasaun. Kooperasaun entre profesór ho diresaun eskola profesor no konsellu estudantil sira la’o di’ak.

Prosesu Konstrusaun Eskola: Iha 2000 mai to’o agora halo rehabilitasaun de’it. Maibé iha tempu amo Luís Bonaparte nian komesa halo konstrusaun foun. Orsamentu ne’ebé halo konstrusaun ne’e mai husi alunus sira, liuliu husi alunus sira-nia propinas. Propinas sira ne’e hafoin selu profesór sira, restu ne’e halo prepara ba uma no konstrusaun ne’ebé iha.

Notísia relevante:Perfil Eskola Sekundária Iha Dili: Eskola Ensinu Sekundária Jerál (ESG) Nicolau Lobato (VIII)

Jornalista : Nelia Fernandes

Editór      : Rafy Belo

HAKEREK NO HATÁN

Please enter your comment!
Please enter your name here