Prezidente Komisaun Funsaun Públika (CFP-sigla portugés), Faustino Cardoso Gomes. Imajen/Antonio Goncalves

DILI, 20 novembru 2019 (TATOLI) – Komisaun Funsaun Públiku (CFP-sigla portugés), ohin, iha Sentru Konvensaun Dili (CCD-sigla portugés) realiza semináriu jerál ida kona-ba evolusaun polítika desentralizasaun ho ninia implikasaun ba jestaun rekursu umanu iha administrasaun públika.

Notísia Relevante : Lider Parpol Balun Tenta Intervein Servisu KFP

Prezidente KFP, Faustino Cardoso Gomes, esplika, semináriu ne’e bele introdús oinsá mak serbí di’ak liu tan ba iha públiku, ba povu, ba nasaun, ba estadu no sein iha interese polítiku.

Iha semináriu ida ne’e, partisipa hosi dirijente ministériu no ajensti hotu Estadu nian hosi nivel nasionál to’o munisípiu, atu bele partilla ba malu kona-ba pratika jestaun rekursus umanu iha kontestu TL nian, liga ho polítika desentralizasaun.

Faustino Cardoso Gomes, argumenta,  tempu ohin loron mosu evolusaun polítika desentralizasaun iha administrasaun munisípais, Rejiaun Administrativu Espesiál Oe-Cusse no Ambeno (RAEOA), instituisaun publika, empreza publika, órgaun soberanu, ne’ebé hot-hotu iha pratika asaun rekursu umanus atu iha sistema jestaun ida de’it, nu’udar estadu unitáriu no direitu inklui mós lei.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here