KFP, KAK, PDHJ ho IJE estabelese akordu kooperasaun. Imajen/ Nelson de Sousa

DILI, 20 novembru 2019 (TATOLI) –Komisáriu Komisaun Anti Korrupsaun (CAC-sigla portugés), Sergio Hornay, konsidera konsolidasaun instituisaun Estadu importante tebes atu sérviu públiku ho di’ak ba interese nasaun no povu.

Notísia Relevante : KFP Realiza Semináriu Jestaun Rekursu Umanu

Sergio Hornay, konsidera semináriu ne’ebé mak realiza hosi Komisaun Funsaun Públika (CFP-sigla portugés) kona-ba semináriu jerál ida kona-ba evolusaun polítika desentralizasaun ho ninia implikasaun ba jestaun rekursu umanu iha administrasaun públika ne’e importante tebes.

“Ha’u hanoin semináriu ne’ebé mak realiza hosi KFP no autór prinsipál ne’ebé mak envolve liuliu setór públiku no mós setór privadu sira, konsidera di’ak tebetebes, oinsá mak ita bele konsolida instituisaun estadu sira di’ak liu tan iha futuru,” hateten Komisáriu KAK, Sergio Hornay, bainhira partisipa semináriu ne’ebé organiza hosi KFP ne’e iha Sentru Konvensaun Dili, kuarta (20/11/2019).

Nia konsiente katak,  KFP ninia objetivu mak oinsá atu bele partilla sira nia hanoin, atu Timor-Leste iha aseitasaun ida kona-ba harii estadu ba iha dezenvolvimentu institusionál ho dezenvolvimentu iha rekursu umanus.

Iha fatin hanesan, Adjuntu Komisáriu KFP ba asuntu disiplinár, Antonio Freitas dehan, semináriu nasionál ne’ebé mak realiza  ne’e ho nia mensajen oinsá  orienta ba jestaun rekursus umanu no intermus rekursu umanus atu bele prienxe rekizitu desentralizasaun hodi desentraliza iha nivel munisípiu no postu administrativa.

“Situasaun sira ne’e, ita mak koloka tantu hola parte iha prosesu atu delega kompeténsia administrativa ba iha nivel nasionál, munisípiu no too postu administrativu,” hateten António Freitas.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here