Aeroportu Internasionál Prezidente Nicolau Lobato, Comoro, Dili. Imajen/Aerosxl

DILI, 20 novembru 2019 (TATOLI) – Empreza Devita Group apoia ona Ajénsia Nasionál Aviasaun Timor-Leste (ANATL) hodi hadi’a hikas jeradór iha aeroportu Dili.

“Hakarak rezolve problema jeradór iha aeroportu Dili, ida ne’e ha’u-nia inisiativa rasik kontaktu ba prezidente ANATL, katak ita iha ekipamentu, nusá maka la bolu ami hadi’a de’it, duké ita tenke hein fali kompañia atu hadi’a”, Prezidente Devita Group Fernando da Silva salienta iha Kaikoli, ohin.

Hafoin oferese elementu jeradór, tékniku ANATL hadi’a kedan jeradór, atubele antesipa bainhira falla ruma iha elétriku sentrál.

“Ami hamutuk ho parte tékniku ANATL haree hodi hadi’a kedan jeradór aeroportu nian”, dehan nia.

Nia esplika komponente hosi jeradór ne’ebé aat maka tali korea no elementu seluk tan maibé, finalmente konsege troka no hadi’a hikas, tanba aeroportu nu’udar odamatan boot nasaun nian, labele husik nia funsionamentu la’o nune’e.

Notísia relevante : ANATL Empresta Ekipamentu Hosi Empreza Devita Ba Funsionamentu Jeradór

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here