DILI, 19 novembru 2019 (TATOLI)-Sekretáriu Estadu Arte no Kultura (SEAK), durante tinan ida ne´e, simu proposta husi komunidade hamutuk 100 hodi fó apoiu ba uma-lulik.
“Tinan ida ne’e ita iha 110 proposta. Neste momento la apoiu hotu tanba osan uitoan de’it. Ita hetan transferénsia públiku iha 33 mil de’it,” dehan Diretór Jerál Arte no Kultura, Manuel Ximenes Smith ba Ajénsia TATOLI iha nia kna’ar fatin, ohin.
Notísia relevante:Orsamentu $33.000 Sei Koresponde Ba Prezervasaun Uma-Lulik
Nia informa katak iha tinan ida ne´e nia ekipa serbisu tun ba halo ona verifikasaun lulik lubuk ida. Uma lulik ne’ebé halo prontu ona, halo inagurasaun ona, ita labele fó apoiu, ita so fó apoiu ba uma lulik ne’ebé foin ema halo kuaze atu hotu, seidauk hetan inaugurasaun. Ida ne’e ita fó apoiu maibé kuantidade osan la boot tanba 33 mil seiscentos ita fahe ba grupu kulturál no grupu uma-lulik sira.
“Signifika balun hetan mil dólar, balun mil quinhentos. Ne’ebé, ita-nia kontrubuisaun mak ne’e governo la tuun tomak ba halo uma lulik, halo totál ne’e la iha, kontribuisaun haree mós ba kuantidade orsamentu ne’ebé ita iha,” nia hateten.
Kona-ba orsamentu kada uma-lulik ida atu hetan hira, Diretór Jerál Arte e Kultura, Manuel Ximenes Smith hateten, sei públika iha jornál no bele haree.”Ha’u halo karta ona, atu públika para uma na’in sira-nia proposta pasa liuhusi avaliasaun ida ne’e, sei sai iha jornál. Ita-boot sira bele haree para bele akompaña.
Notísia relevante:Polítika SEAK Ba Tinan Tolu Harii Uma-Lulik 500 iha Territóriu Tomak
Jornalista : Nelia Fernandes
Editor : Rafy Belo
