Diretór Jerál Administrasaun no Finansa, MEJD, Abrão do Santos. Imajen: Tomé Amado

OE-CUSE 15 novembru 2019 (TATOLI)-Reprezentante Ministériu Edukasaun, Juventude no Desportu (MEJD), Diretór Jerál Administrasaun MEJD, Abrão dos Santos husu ba diretór estabelesimentu ensinu sira iha Rejiaun Autonoma Administrativu Oe-Cusse, Ambeno (RAEOA) atu hakbesik ba Gabinete Apoiu Jurídiku (GAJ) bainhira la entende esplikasaun kona-ba dekretu lei tolu.

Dekretu lei tolu ne´e mak  dekretu lei númeru 7/2010 ne’ebe prodús iha loron 9 maiu ko´alia kona-ba réjime jurídiku administrasaun no jestaun ba sistema ensinu báziku, dekretu lei númeru 33/2011 produs iha loron 3 agostu ne’ebė ko´alia kona-ba réjime jurídiku administrasaun jestaun no sistema kona-ba ensinu sekundáriu.

Nune’e mos dekretu lei númeru 23/2010 ne’ebė prodús iha loron 9 dezembru ko´alia kona-ba estatutu ba karreira edukadór infánsia ba profesór ensinu báziku no sekundáriu (estatutu ba karreira dosente).

“Ha’u fiar katak dala ikus ona diseminasaun ne’e hala’o partisipante sira sei intende di´ak liután hodi nune’e bele fó motivasaun ida di´ak ba dirijente hotu bele jere didi´ak sira ninia eskola,” dehan Diretór Abrão dos Santos ba jornalista sira iha Salaun Enkontru MEJD, Santa Rosa Oe-Cusse, ohin.

Entretantu, objetivu husi deseminasaun dekretu lei tolu ne’e atu tulun dirijenti eskola sira atu hatene lei ne’e rasik hodi nune’e sira bele komprende didi´ak direitu no dever dirijente sira nian.

Notísia relevante:Konsidera Iha Lakuna, Posibilidade MEJD Altera Dekretu Lei Tolu

Jornalista :Tomė Amado

Editór       : Rafy Belo

HAKEREK NO HATÁN

Please enter your comment!
Please enter your name here