iklan

EDUKASAUN, HEADLINE

Sala-de-aula EBC Bidau Seidauk Sufisiente Ba Estudante Sira

Sala-de-aula EBC Bidau Seidauk Sufisiente Ba Estudante Sira

Diretór Eskola EBC Bidau Akadiruhun, Mateus Pinto Tilman. Imajen: Tomé Amado

DILI, 05 outubru 2019 (TATOLI)-Númeru estudante Eskola Ensinu Báziku Sentrál (EBC), Bidau Akadiruhun, barak maibé sala-aula seidauk sufisiente ba estudante sira hanesan mós eskola sira balun iha Timor-Leste (TL) ne´e.

Diretór Eskola EBC Bidau Akadiruhun, Mateus Pinto Tilman hateten estabelesimentu ensinu Bidau Akadiruhun iha sala-de-aula hamutuk 14 maibé estudante barak liu.

“Ita iha purvolta 1392 estudante. Ne’e dadus jerál husi primeiru to’o terseiru siklu. ita lha de’it sala 14 maibe iha sala rua mak akumula kedan estudante kuaze 60,” dehan Diretór Mateus Pinto Tilman ba Ajénsia TATOLI iha ninia knaar fatin, Bidau Akadiruhun, ohin.

Ho kondisaun eskola ne´e, responsável másimu EBC Bidau Akadiruhun hateten katak  presiza aumenta  tan sala-aula neen atu nune’e bele transfere fali estudante sira ne’e ba sala foun. Nia hatutan, ho númeru estudante ne’ebé aas prejudika profesór sira labele hanorin ho di´ak.

Manorin na´in ne´e afirma, tuir regulamentu ka regra ne´ebé Ministériu Edukasaun, Juventude no Desportu (MEJD) fó sai katak kada turma labele simu alunu liu ema na´in 35 maibé tuir nia agora liu tiha ona alvu ministériu nian. “Problema ida mak eskola hato’o ona proposta maibé rezultadu mak hein lai orsamentu”.

Mateus konsidera sei eskola públika mak iha ninia propina rasik parese problema sira hanesan ne’e eskola bele jere no rezolve rasik ninia problema sira. Portantu eskola labele halo buat ida tanba laiha dalan.

Notísia relevante:MEJD Prioritiza Infraestrutura no Jestaun Eskolár iha OJE 2020

Jornalista :Tomé Amado

Editór       : Rafy Belo 

iklan
iklan

Leave a Reply

iklan
error: Content is protected !!