Atividade labarik sira iha Merkadu Taibesi, Labarik sira ne'e lori bote lao tama sai Merkadu Taibesi hodi buka lata mamuk hodi hili. Imajen Tatoli/Antonio Goncalves.

DILI, 14 novembru 2019 (TATOLI)-Adjuntu Prokuradór Jerál Repúblika, Alfonso Lopes hateten, Konvensaun Direitu labarik sira nian efetivu tebes ho nune’e ita tenke proteje ita-nia labarik no adolosente sira tanba labarik mak futuru Timor-Leste nian

Konvensaun direitu labarik nian hanesan instrumentu internasionál seluk kona-ba defeza interrese ba diretu labarik sira-nian hodi asume kontribuisaun ida ne’e.

“Ho polítika hirak ne’e la’ós de’it atu hare kona-ba direitu no defeza labarik maibé ba prevensaun no konbate forma labarik sira  husi krime ne’ebé ita hotu-hotu kontrola labarik no adolosente sira liuliu nia forma ne’ebé grave liu,” dehan prokuradór jerál Repúblika Alfonso Lopes bainhira partisipa serimonia Nasionál Loron Mundiál  ba Labarik iha salaun Luz Clarita, Acait (14 /11).

“Hanesan abuzu seksuál explorasaun protituisaun no ponografia tanba ita haree no rona liu husi media sosiál facebook no  agora ne’e erra dijitál tanba ne’e mak ita tenke tau matan maka’as ba ida ne’e,” nia konsidira.

Alfonso Lopes dehan, estudu sira hatudu katak ki´ak eskluzaun sosiál hanesan fatór ida ne’ebé influénsia liuhusi evitasaun ba abuzu explorasaun seksuál ba labarik adolosente sira maibé iha fatór sira seluk ne’ebé tau iha konsiderasaun ki´ak no deseigualidade sosiál maka difini no halo  labarik adolosente sira ne’ebé abuza  explora no seksualmente.

Labarik no adolosente ne’ebé ita forma gratuita ninia direitu  ne’ebé rejistu iha lei nu’udar importante ida ita atu tau iha estrutura ida apoiu ne’ebé forma husi familia, eskola no sosiedade, falla iha konsiénsia grave tebes maibé husi familia katak hahú husi ne’e sei hanoin kona-ba dever loloos ne’e husi inan-aman sira.

“Kona-ba protesaun alimentasaun ezemplu iha edukasaun liu-liu iha akompañamentu dezevolvimentu ba labarik sira tanba ambiente protetór família nian nu’udar primordiál ba labarik sira no adolosente, se ida ne’e nia sai vuneravel kedas,” hateten Adjuntu Prokuradór Jerál Repúblika.

Nia esplika, ita mós la bele evita violénsia familiar maibé hanesan ne’e labarik sira sai tipu ba materia protesaun no kondisaun ba fenomenu kriminozu nian ne’ebé kontra labarik no adolosente sira sufisientemente premistu ona Timor-Leste nu’udar parte ida husi instrumentu internasionál ne’ebé inportante liu kona-ba materia prosesaun tanba sistema justisa mak sei insufisiénsia balun kumpri hela nia funsaum atu investiga ka julga responsabiliza ajente no krime atu sira la bele kontra labarik no adolosente sira.

Notísia relevante:Labarik TL Na’in Rua Sei Partisipa Loron Mundiál Ba Labarik Iha Bangkok

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here