Fokupes farol,Rede feto Timor-Leste Lansa Marsa Plaka Timor Saudavel.Imajen/Tatoli Nelson Sousa

DILI, 07 novembru 2019 (TATOLI)-Rede Feto Timor-Leste, ohin, lansa plaka marsa ‘Timor Saudavel’ hodi promove edukasaun sívika, pontu diskusaun iha komunidade, akadémiku no sosiedade hodi fó valór ba prinsípiu luta ba ukun rasik-aan.

Notísia Relevante : Rede Feto Aposta Plataforma Prioridade Hitu

Prezidente Rede Feto Timor-Leste,  Judite Dias Ximenes, esplika, organizasaun Rede Feto lansa programa ne’e tanba haree Timor-Leste nasaun ida foin sai hosi pos-konflitu, liga ba atitude foin-sa’e ne’ebé deskontrolu, laiha unidade entre lider nasionál tanba diferensa partidu polítiku.

Rede Feto fiar katak ho marsa plaka ‘Timor Saudavel’ ne’e, sei promove edukasaun sívika entre lider nasionál sira, sosiedade no akadémiku sira atu Timor sai saudavel liután iha aspetu oi-oin.

“Timor saudavel ita hakarak promove valór prinsípiu  sira uluk luta iha funu nian iha sosiedade hodi timor sai saudavel,” hateten  Judite Dias Ximenes, hafoin lansa plaka marsa  ‘Timor Saudavel’ iha salaun FOKUPERS, Farol,  Dili.

Tuir planu organizasaun feto ne’e sei ko’alia ho Governu no Parlamentu Nasionál hodi hamosu dekretu ida atu rekoñese programa rede feto ne’e, nu’udar programa nasionál ba futuru.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here