Médika Espesialista Dermatolojia Ospitál Naionál Guido Valadares (HNGV), Terlinda Da Conceição Barros. Imajen: Felicidade Ximenes

DILI, 06 novembru 2019 (TATOLI)-Médika Espesialista Dermatolojia Ospitál Naionál Guido Valadares (HNGV), Terlinda da Conceição Barros hateten, bainhira atu  fó tratamentu ba ema moras lepra depende ba ema-nia kondisaun, bele fulan ne´en too tinan-ida  tanba kutun ne’e  sei moris iha ema-nia isin.

“Maibé, antes fó tratamentu ita hasai tiha ona teste iha  laboratóriu depois nia halo tratamentu fulan neen ho tinan-ida antes ita dehan nia livre entaun ita halo fila fali ezaminasaun ba sira,” hateten Espesialista Dermatolojia, Terlinda Da Conceição Barros ba jornalista sira iha Laboratóriu Nasionál, Bidau, ohin.

Notísia relevante:Númeru Moras Lepra Aas Iha Munisípiu Dili

“Ita hatene katak ami médiku ne’e ami haree moras depois ami fó ai-moruk maibé antes ami halo desizaun atu haree ba ema ne’e nia kondisaun no ema ne’e oinsá tenke liuhusi laboratóriuu hodi teste,” reforsa espesialista dermatolojia timoroan ne´e.

Nia dehan moras lepra  importa iha labóratoriu katak sira sei hasai raan no  fatin ne’ebé  ami hatudu ba pesoál tékniku sira atu hasai ka buka hetan kutun ne’ebé kauza moras lepra hanesan mikrobakteria ida ne’ebé halo ema  hetan moras lepra.

“Ita hanesan evidénsia banhira atu hahú halo tratamemtu ne’ebé ita halo diagnóstiku  maibé ita tenki suporta ho laboratóriu. Se ita halo tuir saida mak tékniku laboratótiuu sira dehan entaun ita-nia desizaun ba moras ne’e di´ak katak ita fó atendimentu ne’ebé mak kompletu,” esplika médika ne´e.

Kona-ba treinamentu, pesoál saúde HNGV ne´e konsidera katak importante.

“Ami fo treinamentu ba tékniku laboratóriu husi munisípiu hotu-hotu atu nune’e kada munisipiu halo ezaminasaun ida ne’e atu médiku ka pesoál saúde hala’o servisu kona-ba diagnóstika no haree ba moras lepra bainhira ema ruma hetan kazu lepra ita bolu suspeitu entaun ita lori tiha ema ne’e mai teste iha laborátoriu no kompleta tiha mak ita hahu halo tratamentu,” nia esplika.

Notísia relevante:Hena-Mutin Iha Isin-Lolon La Sente Katar No Moras, Sintoma Lepra

Jornalista :Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here