SECoop, Arsenio Pereira da Silva, hamutuk ho komunidade Aldeia Rembor, Kinta (11/04/2019), hahú hamoos ona rai ektare 36 atu kuda Shorghum. Imajen/Media SECooP

LIKISÁ, 29 outubru 2019 (TATOLI) – Sekretáriu Estadu Kooperativa, Arsenio Pereira, afirma sei harii sentru prosesamentu sorghum ka batar Kay Rala iha postu administrativu hotu tuir nessesidade ne’ebé iha.

“Sentru ba prosamentu sorghum rasik la’ós halo de’it Munisípiu Likisá, ami sei alastra ba postu administrativu hotu tuir nesidade ne’ebé iha”, dehan nia ba jornalista sira iha lasamentu nasionál dahuluk ba kolleita sorghum iha Suku Gisu, Postu Administrativu Maubara, Munisípiu Likisá, ohin.

Nia dehan kada postu ida sei halo sentru kooperativa integradu ida, maibé buat balun tenke koordena hotu ho Terras no Propriedade hafoin harii sentru prosesamentu ba sorghum iha postu hotu.

Tanba ba futuru sei uza sentru hodi halo jestaun oinsá maka sai sentru integradu ida hosi produtu kooperativa nian liuhosi produtu komunidade nian hodi bele ba fa’an iha merkadu.

Governante ne’e hateten kona-ba sentru prosesamentu sorghum iha Suku Gisu, rai ne’e oferese direta husi autoridade lokál suku refere ne’ebé hamutuk komunidade, iha sentru ne’e kompleta ona ho mákina prosesamentu ne’ebé hola ho orsamentu transferénsia públika Sekretária Estadu Kooperativa.

Notísia relevante : Batar Kay Rala Mai Husi Desizaun MOKATIL

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here