Mákina prosesamentu sorghum ka batar Kay Rala nian. Imajen/Natalino Costa.

LIKISÁ, 29 outubru 2019 (TATOLI) – Sekretáriu Estadu Kooperativa, Arsenio Pereira, informa desizaun ne’ebé foti hodi fó naran sorghum ba batar Kay Rala mai hosi desizaun kongresu hosi Movimentu Kamponeza Timor-Leste (MOKATIL).

“Naran batar Kay Rala la’ós ha’u maka tau naran,.maibé movimentu kamponeza liuhosi konferénsia bazeia ba sira-nia diskusaun maka deside”, salienta Arsénio Pereira iha lasamentu nasionál dahuluk ba kolleita sorghum iha Suku Gisu, Postu Administrativu Maubara, Munisípiu Likisá, ohin.

Iha fatin hanesan, Prezidente MOKATIL, Hélio Dias da Silva, akresenta naran batar Kay Rala mai husi MOKATIL nia desizaun tomak.

“Ita haree lìder Xanana ne’e vizionáriu, ema ne’ebé iha vontade tomak ba dezenvolvimentu no fó apoiu ba inisiativa grupu nian, tanba ne’e ami deside hodi tau naran ida ne’e”, tenik.

MOKATIL husu ba públiku atu labele kestiona naran batar Kay Rala tanba ne’e liuhusi desizaun no aseitasaun husi Xanana Gusmão.

“Naran batar Kay Rala liuhusi desizaun no aseitasaun husi avô Nana no ami hili nian sai hanesan protetór ba MOKATIL nian”, dehan nia.

Notísia relevante : Xanana Husu MOKATIL Kriativu Liután iha Produsaun Kooperativa Integrada

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here