DILI, 24 outubru 2010 (TATOLI)—Vise-Diretór no Xefe Kurríkulu Ensinu Sekundária Jerál São Miguel Arcanjo, Agostinho Soares de Araújo, hateten Eskola Ensinu Sekundária [Koléjiu] São Miguel Arcanjo hanesan eskola privada ida ne’ebé harii iha 2002.
Eskola ne’e foufoun harii hahú ho Pré-Eskolár. Eskola ne’e la’o iha tinan lubuk ida-nia laran, aumenta tan Eskola Ensinu Báziku, kontinua aumenta tan ho Eskola Ensinu Téknika Vokasionál to’o oras ne’e eziste Eskola Ensinu Sekundária Gerál.
Naran Eskola: Eskola Ensinu Sekundária Jerál São Miguel Arcanjo.
Lokaliza: Iha Comoro, Dili, Timor-Leste.
Harii: Iha loron 29 Setembru 2002 (ho Eskola Pré-Eskolár no Eskola Ensinu Bázika), iha tinan 2005-2006 loke Eskola Ensinu Sekundária Téknika Vokasionál, no tinan 2018 kompleta tan ho Eskola Ensinu Sekundária Gerál.
Totál Estudante: Atualmente hamutuk ema na’in 338.
Totál Profesór/a: Hamutuk ema na’in 16 inklui profesór permanente no kontratu hosi fundasaun rasik.
Vizaun: Oinsá atu forma ita-nia sidadaun sira, liuliu kontribui ba dezenvolvementu setór edukasaun iha Timor-Leste no forma rekursu umanu hodi kontribui ba dezenvolvimentu nasionál.
Misaun: Atu garantia no fasilita sidadaun hotu-hotu liuliu joven sira ne’ebé hakarak aprende iha knua matenek ne’e, iha departamentu, tuir área espesialidade ne’ebé sira rasik hili no hakarak.
Notísia relevante:Perfil Eskola Ensinu Sekundáriu Iha Dili: Ensinu Sekundária Gerál Annur (VI)
Jornalista: Nelia Fernandes.
Editór : Rafy Belo
