Escola Secundária Annur. Imajen/TATOLI

DILI, 20 outubru 2019 (TATOLI)—Diretor Eskola Ensinu Sekundáriu Geral Annur, Luis Amaral do Rego, informa Eskola Ensinu Sekundária Annur harii iha okupasaun Indonézia nia tempu.

Estudante Escola Secundária Annur. Imajen/TATOLI

Iha tinan 1999, bainhira okupante Indonézia sira fila ba sira nia rain, ema hirak ne’ebé hela iha Kampun Alor Dili deside harii eskola ida iha 1999 ho naran Eskola Almu Faridon. Iha tinan 2004, eskola ne’e muda naran Eskola Annur.

Hamutuk ho Ajensia TATOLI, mai ita kuñese Eskola Ensinu Sekundáriu ne’ebé lokaliza iha Kampung Alor, Dili, Timor-Leste.

Naran: Eskola Ensinu Sekundária Gerál Annur.

Harii: Husi Fundasaun Annur iha Abril 2004.

Fundadór: Jafar Alkatiri, Abdullah Belafif, Abdullah Said Sagran.

Prezidente Fundasaun Annur: Primeiru, Abdullah Said Sagran.

Totál Profesór: 34 (estatutu nu’udar kontratadu husi Governu no Fundasaun Annur). Permanente ema na’in tolu (3) no kontratadu iha ema na’in rua (2). Seluk ne’e, kontratadu ne’e kontratu husi Fundasaun ema na’in 16 ka 15 hanesan ne’e. Kontratadu husi Governu hamutuk ema na’in 13.

Totál Estudante: Hamutuk ema na’in 1.228.

Vizaun: Atu lori ita-nia juventude sira ne’ebé mak agora iha ne’e dalaruma sira ba tama iha eskola seluk fatin la iha ba sira entaun ami iha ne’e mós mezmu uza eskola musulmanu (Islam) ninian maibé iha eskola ne’e la haree ba relijiaun, suku,maibé sidadaun hotu-hotu iha direitu para atu bele hetan edukasaun.

Objetivu: Harii eskola ne’e la haree ba relijiaum, suku, rasa, maibé oinsa mak ita mós bele forma halo buat ruma iha ita-nia nasaun para atu lori ita-nia juventude sira ne’ebé maka barak liu iha Timor ba Futuru oin mai bele sai di’ak liu

Fasilidade Eskola: Fundasaun Annur mak toma responsabilidade. Governu apoiu livru no fasilidade hirak seluk tan.

Sala de aulas: Hamutuk 17 (akumula Ensinu Báziku to’o Ensinu Sekundária).

Biblioteka: Iha maibé sei utilza fundasaun nia espasu ka fatin hodi haloot livru sira ne’eb’e Minsitériu Edukasaun no ONG balun oferese ba eskola.

Funsionáriu Limpeza (Cleaner): Ema na’in tolu (3)—Fundasaun Annur mak fasilita.

Diretór ne’e informa, funsionamentu professor/a tuir sira ida-idak nia espesialidade ne’ebé barak liu sira hasai husi Universidade. Dalaruma iha profesór/a balun ne’ebé iha koñesimentu iha área seluk maib’e bele lori materia seluk, ne’ebé sira serbisu tuir oras ne’ebé mak Governu termina.

Regulamentu ba profesores sira, nia esplika, karik professor/a balun ne’ebé maka bainhira ninia prosesu aprendizazen la’o hela mak nia la tama ka la iha informasaun ruma, parte eskola sempre bolu para toma atensaun.

Notísia relevante: Perfil Eskola Ensinu Sekundária Iha Dili: ESG Herois da Pátria Becora (V)

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here