Komandante PNTL Munisípiu Dili, Armando Monteiro. Imajen/TATOLI.

DILI, 24 outubru 2019 (TATOLI)-Ministériu Interiór liuhosi Diresaun Nasionál Prevensaun Konflitu Komunitária  (DNPK) koordena ho Komandu Polisia Nasionál Timor-Leste (PNTL)  Munisípiu Dili fó formasaun ba estrutura Konsellu Polisiamentu Komunitáriu (KPK) na’in 75  kona-ba  prevensaun konflitu.

Notísia Relevante : Governu iha Atividade Foun Fó Atensaun ba Serbisu KPK

Formasaun ne’e partisipa hosi estrutura KPK  Suku Motaél, Colmera no Vila-Verde, Postu Administrativu Vera Cruz, Munisípiu Dili.

Kada suku delega  membru KPK 25 no sei tuir formasaun durante loron tolu; hosi loron  23 to’o loron 25 outubru, tinan ne’e.

Komandante Polisia Munisípiu Dili Superintendente Xefe, Armando Monteiro dehan, formasaun  ne’e hodi kompleta estrutura KPS ne’ebé harii ona iha suku 36 hosi Dili nian no falta KPK suku 12 maka seidauk hetan formasaun.

Notísia Relevante : Governu Diskute Subsídiu ba KPK

“Formasaun ida ne’e importante ba ita nia KPK suku tolu ne’e para bele serbisu besik ho ita nia autoridade suku atu halo prevensaun ba konflitu no kria dame iha sosiedade nia leet,” afirma Armando Monteiro ba jornalista.

Armando husu ba autoridade suku inklui komunidade sira atu koopera ho membru KPK nu’udar mata dalan atu kria pás no buka kria diálogu simu malu  entre joven sira para halo prevensaun risku  konflitu.

DNPKK harii atu hala’o nia knaar iha área prevensaun no rezolusaun konflitu hodi kria pás no estabilidade iha komunidade sira leet  bazeia ba  planu estratéjiku VIII Governu Konstitusionál ne’ebé fornese planu rua ba instituisaun PNTL, hanesan prosimidade vizivilidade no kria seguransa rodoviáriu iha públiku.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here