Ministru Defeza no Ministru Interiór interinu, Filomeno da Paixão de Jesus. Imajen/Egas Cristovão

DILI, 04 setembru 2019 (TATOLI)-Ministériu Defeza no Ministériu Interiór ho Sekretáriu Estadu Juventude no Desportu (SEJD), aprezenta ona proposta ba Primeiru-Ministru, Taur Matan Ruak, atu bele lori ba diskute iha Konsellu Ministru ona-ba fó subsídiu ba membru Konsellu Polisiamentu Komunitária (KPK).

Notīsia Relevante : PNTL Estabelese ona KPK iha Suku 251

Ministru Defeza no Ministru Interiór interinu, Filomeno da Paixão de Jesus, hateten, governu konsidera knaar KPK importante atu asegura no garantia seguransa no moris hakmatek ba populasaun hodi ajuda Polisia Nasional Timor-Leste (PNTL) bele buka solusaun ba problema seguransa iha rai laran.

“Ami diskute ona membru KPK sira ne’ebé iha ona ne’e sira nia osan sei hetan husi polisia no KPK sira ne’ebé sei estabelese tuir mai sira nia osan sei mai husi Sekretáriu Estadu Juventude Desportu, tanba KPK sira organiza joven sira atu organiza seguransa hodi fó hakmatek, kontribui ba dezenvolvimentu, limpeza no atua problema,” informa Ministru Filomeno da Paixão de Jesus, ohin, ba jornalista iha Sentru Konvensaun Dili (CCD-sigla portugés).

Notísia Relevante : Governu iha Atividade Foun Fó Atensaun ba Serbisu KPK

Kona-ba subsídiu ne’ebé sei fó ba membru KPK sira, Ministru dehan governu sei foti dadus husi parte PNTL nian hodi diskute hotu totál númeru membru KPK foin deside atu fó orsamentu iha planu Orsamentu Jerál Estadu 2020 nian.

Komandu PNTL koloka ona Ofisial Polisia Suku (OPS) iha suku ida-idak atu  nune’e bele halo prevensaun konflitu no ajuda xefe suku sira  hodi rezolve problema.

Notísia Relevante :  Komandu PNTL Sei Fasilita Formasaun Ba Membru KPK

Jornalista: Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here