Ekipa MRLAP kontinua hala'o konsultasaun Públiku Lei Kostumeiru no Justisa Tradisionál iha Suku Kribas, Postu Administrativu Manatuto Vila, tersa (22/10/2019). Imajen/Nelson Sousa

KRIBAS, 22 outubru 2019 (TATOLI)-Oitavu Governu Konstitusionál tau prioridade atu promove  no hametin justisa tradisionál hodi lori asesu justisa ba povu ho prósperu.

Notísia Relevante : MRLAP Kontinua Halo Konsulta Públiku Kona-ba Lei Kostumeiru ho Justisa Tradisionál

Autoridade Lokál No Lia Nain Husi Suku Kribas. Imajen/Nelson Sousa

Liuhosi konsulta públiku Lei Kostumeiru ho Justisa  ba komunidade étniku Habun, Suku Kribas, Postu Administrativu Manatuto Vila, Munisípiu Manatuto, ohin,  Melisa Caldas nu’udar Tradisionál Asesora Jurídiku Ministériu Reforma Lejizlativa no Asuntu Parlamentár (MRLAP)  esplika,  konstituisaun valoriza kostume tradisionais tanba ne’e tempu ona presiza uniformiza Lei formal no justisa tradisionál hodi fó asesu di’ak liu tan justisa ba povu liuliu iha baze.

“Konsulta públiku ne’e  atu rekolla informasaun hodi elabora tuir lei tradisionál tuir realidade ne’ebé mak iha,” esplika Melisa Caldas.

MRLAP iha nia diresaun ida daudaun ne’e mós dezenvolve hela oinsá hakerek lei ho versaun tetun no portugés. Tanba durante ne’e lei sira ne’ebé prodús hakerek de’it ho lian portugés, entaun presiza ho tetun ida tuir padraun hodi lori sidadaun hotu bele asesu.

Administradór Postu Administrativu Manatuto Vila, Gaspar Henrique da Silva, konsidera, konsultasaun ne’e importante tebes tanba promove ambiente lisan no mekanizmu kulturais ne’ebé antes la’o nanis ona hanesan iha Kribas.

Nia husu lia nain no autoridade lokál sira atu fó informasaun ba prosesu tesi lia ba regra tradisionál ne’ebé durante la’o ona. Konsultasaun ne’e hetan partisipasaun másimu hosi autoridade lokál, autoridade suku no  aldeia lima hanesan Tuquete, Athoc, Webarí, Ranac, Cannua no lia nain sira.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here