Ministru Ensinu Superiór, Siénsia no Kultura, Longuinhos dos Santos. Imajen/TATOLI

DILI, 27 setembru 2019 (TATOLI)- Ministru Ensinu Superiór Siénsia no Kultura (MESSK), Longuinhos dos Santos hateten, alvu MESSK nian mak molok diskusaun OJE (Orsamentu Jerál Estadu) 2020, iha PN (Parlamentu Nasionál) tenke atinje ona 75 %. Agora daudaun ezekusaun atinje ona 56%.

“Ha´u garante katak ezekusaum ne’e sei to’o 75% molok ha´u atu ba fali Parlamentu Nasionál tanba agora daudaun orsamentu adisional $7.724 miloens ne’e ninia komprimisu no obrigasaun atinje ona 63%. Ha’u otimista molok aprezentasaun OJE 2020 ba PN bele atinzi ona 75%,”, tenik Ministro Longuinhos dos Santos ba jornalista Ajénsia TATOLI iha Eis-edifísiu Ministeriu Finansas, sesta (27/09/2019).

Maibé antes ne’e, Ministru Longuinhos preokupa makas ho kapasidade direjentis maximi Ministeriu nian ne’ebe laiha kapsidade atu jere no ezekuta orsamentu ne’ebe iha. Iha fulan rua liubá kuandu ezekusaun foin mak atinje 41,3% nia ejize tenke aselera programa sira atu nune’e bele atinje lalais meta persentazem ne’ebé termina.

Tanba alvu ezekusaun OJE 2019 ho montante 7,742 miloens ne’e hakarak ka lakohi ninia ezekusaun tenke atinje 75% iha 15 outubru 2019.

Maibé aprezentasaun ne’ebé mak lideransa dirasaun sira fó ona katak ezekusaun ne’e molok loron termina bele ona atinje ninia pursentu. Ministru Longuinhos dehan, nia hein no garante ezekusaun bele to’o duni alvu ne’ebé iha.

Notísia relevante:Orsamentu MESSK Ezekuta Tuir Programa Prioridade 10

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here