DILI, 18 outubru 2019 (TATOLI)-Ministériu Solidariedade, Sosiál no Inkluzaun (MSSI) iha ámbitu komemorasaun loron mundiál feto rurál, ohin, distribui apoiu foos saka 50 ho kilograma 25 ba família kbiit laek uma kain 50 iha Aldeia Lepa, Suku Leota’ala, Postu Administrativu Liquiça, Munisípiu Liquiça.
Notísia Relevante:MSSI La Distribui Foos Aat ba Povu
Komunikadu ne’ebé Ajénsia TATOLI, asesu ohin, relata katak, ekipa MSSI distribui uluk foos saka 30 no saka 20 sei distribui iha semana oin.
Ministra Solidariedade Sosiál no Inkluzaun (MSSI), Armanda Berta dos Santos, hatete, apoiu ne’e hodi hakmaan nesesidade família kbiit laek iha sira-nia moris loroloron nian.
Apoiu ne’e sei hala’o mós iha munisípiu 11 seluk inklui Rejiaun Administrasaun Espesiál Oe-Cusse Ambeno (RAEOA) iha tinan 2019.
Ministra Armanda Berta dos Santos, husu ba autoridade lokál, xefe suku, xefe aldeia no administradór sira atu identifika dadus ba família kbiit laek hodi hetan apoiu hosi MSSI.
Jornalista : Nelson de Sous
Editór : Francisco Simões
