DILI, 17 outubru 2019 (TATOLI)-Embaxadór Uniaun Europeia (UE) foun ba Timor-Leste, Andrew Jacobs aprezenta ona kredensiál ba Prezidente Repúblika Demokrátika Timor-Leste, Francisco Guterres Lú-Olo,  iha Palásiu Prezidente, Aitarak laran, kuarta (15/10/2019).

Embaixadór Andrew Jacobs hateten katak ne´e ne´e nu´udar onra boot ida, hein atu serbisu hamutuk ho Governu no povu husi nasaun furak ne’e no atu reforsa parseria ba loron naruk, metin no iha fuan.

“Uniaun Europeia no Timor Leste atentu hela ba dezafiu globál sira ohin loron, hahú husi luta hasoru Mudansa klimátika, Fortalese estabilidade iha mundo ne’ebé volátil ba bebeik, hadi defende prinsípiu demokrátiku, direitu umanu, no multilateralismo. Ita-nia parseria ne’e halo besik no forte liu tan no reforsa ita-nia kapasidade atu lori mudansa hodi hadi’a ita-nia moris,” refere komunikadu UE, Ajénsia TATOLI asesu, ohin.

Bazeia ba komunikadu ne’e, Embaixadór Jacobs mós dehan, Uniau Europeia haksolok ho relasaun polítika ne’ebé forte ho Timor-Leste. “Ami mós sai hanesan parseiru dezenvolvimentu ne’ebé urgullu, hodi apoia nasaun ida-ne’e nia  kompromisu atu atinji Objetivu Dezenvolvimentu Sustentável”.

“Ami serbisu partikularmente iha área dezenvolvimentu rurál, nutrisaun, jestaun orsamentu públiku no desentralizasaun, fornese la’ós de’it asisténsia téknika maibé mós apoia orsamentu, ne’ebé fasilita fundu direitamente ba Governu,” dehan diplomata ne´e.

Embaixadór Uniaun Europeia mós, iha komunikadu ne´e akresenta, UE servisu atu fortalese kapasidade sosiedade sivil, ne’ebé iha papel krusial iha dezenvolvimentu. “Ho ami-nia parseiru timoroan, Uniaun Europeia sei hahú halo planu programa koperasaun ba périodu 2021 to’o 2026 no ami komprometidu atu fortalese ami-nia apoiu”.

Embaixadór Jacobs molok  destaka mai Timor-Leste, serve nu’udar Embaixadór UE ba illa Pasifiku, sede iha Fiji. Nia mós hala’o ona misaun iha Vietname no Tailándia, iha ne’ebé nia mós responsavel ba kooperasaun ho Cambodia, La’os no Myanmar. Alén ba Ázia no Pasífiku, nia mós servisu estensivamente iha nasaun sira hanesan Áfrika Norte, Médiu Oriente, Amérika Latina..

Entertantu, Uniaun Europeia hakna’ar hodi fahe sira-nia realizasaun  no valór sira ho país sira no povu husi rai sira seluk.

Notísia relevante:Prezidente Repúblika Simu Karta Kredensiál Hosi Nasaun Haat

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here