Sekretáriu Estadu Protesaun Sivíl, Alexandrino Xavier Araújo. Imajen/Nelson de Sousa

DILI, 17 outubru 2019 (TATOLI)-Sekretáriu Estadu Protesaun Sivíl iha ona planu estratéjia durante mandatu tinan lima (2018-2023) hodi  fó prioridade ba dezenvolvimentu área protesaun sivíl.

Notísia Relevante: SEPS Realiza Konferénsia Internasionál ba Sistema Protesaun Sivíl

Sekretáriu Estadu Protesaun Sivíl, Alexandrino Xavier Araújo,  iha ninia diskursu durante konferénsia internasionál ho tema “Importánsia Enkuadramentu Legál ba Sistema Protesaun Sivíl iha Timor-Leste” iha Salaun Ministériu Solidariedade Sosiál Inkluzaun (MSSI), Caicoli, Dili,  ohin, informa, daudaun ne’e SEPS dezenvolve hela orgánika lei protesaun sivíl no lei baze ba protesaun.

Diresaun protesaun sivíl iha ninia kna’ar importante atu fó kontribuisaun ba prevensaun dezastre naturaís no asisténsia sira liuliu sokorru dahuluk no seluk ba futuru.

“Protesaun no sokorru bainhira iha asidente ba  dezastre boot, seguransa patrimóniu públiku, seguransa privada no prevensaun  konflitu komunitáriu,” esplika SEPS Alexandrino Araújo.

Governu da-ualu iha ninia polítika hodi estabelese Sekretáriu Estadu Protesaun Sivíl  ho objetivu atu hahú dezenvolve instrumentu legál, ekipamentu no rekursu, nune’e mós halo  estruturasaun ba instituisaun estadu ne’e ho ninia vizaun no misaun ida formadu no modernu liután.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here