Sekretáriu Estadu Protesaun Sivíl Alexandrino Xavier Araújo, Ministru Defeza no Ministru Interior Interinu, Filomeno da Paixão de Jesus ho UN Rezidente Koordenadór iha Timor-Leste Roy Trivedy, halo abertura ba seminariu internasionál “Enkuadramentu Legál ba Sistema Protesaun Sivíl iha Timor-Leste”, kinta (17/10/2019). Imajen/Nelson de Sousa

DILI, 17 outubru 2019 (TATOLI)- Sekretária Estadu Protesaun Sivíl (SEPS) organiza semináriu internasionál durante loron rua, hahú ohin to’o aban (kinta-sesta 17-18/10/2019) ho  tema “Enkuadramentu Legál ba Sistema Protesaun Sivíl iha Timor-Leste”.

Sekretáriu Estadu Protesaun Sivíl Alexandrino Xavier Araújo, Ministru Defeza no Ministru Interior Interinu, Filomeno da Paixão de Jesus, ho UN Rezidente Koordenadór iha Timor-Leste Roy Trivedy. Imajen/Nelson de Sousa

Semináriu internasionál ne’e aprezenta oradór internasionál husi Indonézia, Austrália no Portugal ho objetivu bele partilla esperiénsia kona-ba enkuadramentu legál ba sistema protesaun sivíl husi oradór sira   ba baze lei sistema protesaun sivíl ne’ebé la’o ona husi país sira refere.

Esperiénsia hirak ne’e bele ajuda kontribui elabora di’ak liu tan hodi harii sistema protesaun sivíl ida di’ak iha Timor-Leste.

Semináriu ne’e partisipa mós husi Ministru Defeza no Ministru Interior Interinu, Filomeno da  Paixão de Jesus, Sekretáriu Estadu Protesaun Sivíl Alexandrino Xavier Araújo, UN Rezidente Koordenadór iha Timor-Leste Roy Trivedy, membru Parlamentu Nasionál, korpu diplomátiku, parseiru dezenvolvimentu, akadémiku, sosiedade sivíl, autoridade lokál no reprezentante  partidu polítiku sira.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here