PNTL detein hela Arguido CDJ ne'ebè lori motor tenta soke aviaun Sriwijaya iha Aeroportu Internasionál Prezidente Nicolau Lobato, Comoro, Dili, Segunda (14/10/2019). Imajen/Eugenio Pereira

DILI, 17 outubru 2019 (TATOLI) – Defensor Públiku Sebastião Amado, ne’ebé fó asisténsia legal ba arguido CDJ konsidera desizaun Tribunal Distritál Dili (TDD) injustu tanba aplika medida koasaun  prizaun preventiva ba ninia kliente, ne’ebé lori motor  atu soke aviaun Sriwijaya Air iha Aeroportu Internasionál Prezidente Nicolau Lobatu, Comoro, Segunda (14/10/2019).

Notísia Relevante : Ho Motor Atu Soke Aviaun ba Para iha Prizaun Preventiva

Defensor nee konsidera TDD nia desizaun injustu tanba kulpa 100% ba loos de’it ninia kliente CDJ tanba momentu ne’ebá mak kuandu seguransa di’ak no metin maka kualkér ema ida labele tama.

Defensór Públiku, Sebastião Amado. Imajen/Domingos Piedade

“Ha’u hanoin seguransa iha Aeroportu falla, nune’e la bele fó kulpa de’it ba ha’u nia kliente, maibé presiza investiga seguransa sira iha Aeroportu hanesan seguransa sivíl no Unidade Polisia Fronteira (UPF),” afirma Sebastião Amado, hodi responde TATOLI, ohin, bainhira remata primeiru interrogatóriu iha Tribunal Distritál Dili (TDD).

Tuir nia hatene, ema ne’ebé mak tama sai iha Aeroportu laran mak ema ne’ebé autorizadu de’it, Satan, ema tama tan ho motor, depois tama ho situasaun ne’ebé mak la iha lisensa no la kumpre regra mak seguransa tenke hapara.

Defensor mós la iha informasaun kona ba pozisaun seguransa sira iha Aeroportu momentu ne’ebá, maibé ein-jerál nia  atu dehan de’it katak fatin públiku ne’ebé mak proibidu hanesan aeroportu tenke asegura atu ema labele tama sai arbiru.

Tuir nia hanoin, seguransa mak tenke haree didi’ak pasajeiru sira ne’ebé mak tama sai iha aeroportu, nune’e labele fó espasu ba iha kualkér pesoa atu tama sai arbiru iha Aeroportu.

Iha tinan kotuk, aviaun ki’ik F-FDTL ne’ebé para iha angár laran mós hetan tiru ho fiska iha tinan kotuk no b dala ne’e ema tama lori motor atu soke aviaun. Katak, presiza duni tau atensaun sériu ba iha seguransa iha aeroportu refere.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here