Zebra Cross. Imajen/Tatoli

DILI, 16 outubru 2019 (TATOLI) – Xefe Departamentu Sinál Tránzitu, Diresaun Nasionál Tansporte no Terrestre (DNTT) husi Ministériu Transporte no Komunikasaun, João Eugénio da Silva, hateten empreza Violet Unipessoal, Lda, maka hahú remarka ona “zebra cross” ka pasadeira hamutuk 275 iha Dili laran.

“Kompañia hahú ona halo remarkasaun ba zebra cross hamutuk 275 iha Dili laran, iha loron hirak liu bá”, dehan nia ba Ajénsia Tatoli via telefónika, ohin.

Nia relata, empreza ne’ebé kaer obra ne’e liuhosi konkursu públiku atu pinta foun fali zebra cross ne’ebé nia tinta hahú lakon ona.

Empreza remarka padeira ne’e, hahú iha segunda to’o sesta semana kotuk inklui sábadu ho domingu, hosi tuku 8:00 dadeer to’o tuku 15:00 madrugada, ho objetivu atu evita movimentasaun, nune’e fó espasu ba empreza atu halo serbisu ho seguru.

Notísia relevante : “Zebra Cross” presiza remarka molok udan

Jornalista : Natalino Costa 

Editora : Maria Auxiliadora

HAKEREK NO HATÁN

Please enter your comment!
Please enter your name here