Señora ida hakat iha pasadeira (zebra cross) iha Palásiu Governu nia sorin.

DILI, 07 outubru 2019 (TATOLI) – Xefe Departamentu Sinál Tránzitu hosi Diresaun Nasionál Transporte no Terrestre (DNTT), João Eugénio da Silva, husu aprovizionamentu Ministériu Transporte no Komunikasaun atu halais prosesu, nune’e empreza ne’ebé manán ba konkursu bele hala’o ona serbisu hodi halo remarkasaun ba zebra cross ka pasadeira iha kapitál antes udan monu rai.

“Ami husu aprovizionamentu ministériu nian atu aselera prosesu, tanba prosesu hotu iha ne’ebá ona, ami rona katak kompañia tolu maka konkorre konkursu, ami espera katak antes dezembru kompañia halo ona serbisu antes udan monu rai”, João Silva ba Ajénsia Tatoli iha nia serbisu fatin Balidi, ohin.

Hodi hatutan kuandu udan monu rai difikulta empreza labele halo serbisu tanba tinta pasadeira nian udan labele kona, se udan kona maka la garante kualidade zebra cross.

Antes ne’e, DNTT rasik maka loke prosesu rejistrasaun empreza sira ba konkursu kona-ba pinta foun pasadeira iha Dili, iha kompañia tolu maka konkorre, nune’e submete hikas ba aprovizionamentu ministériu transporte no komunikasaun hodi haree.

Notísia relevante :  Outubru, DNTT Pinta Foun Zebra Cross Iha Estrada

Jornalista : Natalino Costa 

Editora : Maria Auxiliadora

HAKEREK NO HATÁN

Please enter your comment!
Please enter your name here