Kuartél Cavalaria Portugues iha Bobonaro. Imajen/António Gonçalves

BOBONARO, 10 outubru 2019 (TATOLI)-Rezultadu operasaun konjunta entre Komandu PNTL Bobonaro, Unidade Patrullamentu Fronteira (UPF), Batallaun Orden Públika (BOP), FALINTIL-Forsa Defeza Timor Leste (F-FDTL), durante  agostu to’o setembru, detein ona membru husi grupu ilegál hamutuk na’in 300-resin tanba ultra pasa fronteira ho ilegálmente.

Notísia Relevante : Laiha Rádiu ho Karreta Difikulta Operasaun PNTL Bobonaro

Komandante PNTL Munisípiu Bobonaro, Superintendenti Xefe, Octávio de Araújo Bucar. Imajen/Antonio Goncalves

”Operasaun ne’e sei kontinua hodi  kontrola movimentu no atividade ne’ebé lei bandu,” afirma Komandante PNTL Bobonaro Superindente Xefi Polisia, Octávio de Araújo Bucar ba TATOLI iha Maliana, tersa (08/10/2019).

Husi númeru ne’e na’in 40-resin kaptura durante fulan agostu no 265 iha fulan setembru 2019.

Hafoin kaptura no kumpre sela oras 72  nia laran, ema hirak ne’e aprezenta ba Ministériu Públiku no kontinua ba julgamentu iha Tribunal Distritál Suai.

Rezultadu julgamentu Tribunal fo livre ba nain 40 no restu aplika termu identidade rezidénsia (TIR).

Komandante Polisia ne’e apela ba Timoroan iha área fronteira atu labele kontinua prátika atividade grupu illegal ne’ebé bele prezdika sira nia futuru no tau sira iha risku lei nia leten.

Kona-ba negósiu ilegál, nia dehan,  maioria polisia prende  mina-rai, gazóleu, gazolina, sigarru no seluk tan iha area Memo, Saburai, Atabae no Balibo.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here