Gólgota Mall, inaugura ona hodi loke ba públiku, kinta (10/10/2019). Imajen/Osória Marques

DILI, 10 outubru 2019 (TATOLI)-Governu liu husi Ministru Reforma Lejizlativu no asuntu Parlamentár nu’udar mós Ministru interinu Komérsiu, Indústria no Ambiente (MKIA),  Fidelis Magalhães Leite, hamutuk ho setór privadu nasionál no konvidadu importante sira seluk, ohin, inaugura ona Gólgota Mall hodi loke ba públiku.

Notísia Relevante :Rendimentu Gólgota Mall Kada Fulan $61,000,00. 

Mall ne’ebé konstroi husi empreza Fu Xin Unipessoal ho nia na’in Chen Guo Qing, ho valor investimentu purvolta millaun $3,5 hodi prepara fasilidade ba negosiante Kampu Alor sira ho kuartu 122.

Mall ne’e oferese espesiál ba negosiante Kampu Alor nu’udar sidadaun Indonéziu (WNI-sigla Indonézia) ne’ebé tinan barak okupa estrada ibun Kampu Alor hodi halo sira nia atividade negósiu fa’an roupa no nesesidade eletrónika ho nesesidade dapur nian.

Liu husi serimónia inaugurasaun ne’e, Ministru Fidelis Magalhães Leite, hateten, ema hotu tenke kontribui atu dezenvolvimentu ekonomia bele la’o.

Nia afirma, investimentu ne’e lori ema nia osan mak investe tanba ne’e ema presiza seguransa. Ho nune’e, Ministru Fidelis husu ba komunidade, liuliu juventude sira atu koopera atu bele fó apoiu ba investimentu sira ne’e hodi kria situasaun hakmatek no trankulidade para investor sira sente konfortavel.

Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here